Lajme

Haradinaj: KFOR-i në Ujman ishte për ushtrime ushtarake

Autori: Gazeta inFokus 19:15 | 07 August 2018

Liqeni dhe hidrocentrali i Ujmanit afër Zubin Potokut në veri të Kosovës, që nga 4 gushti deri me 7 gusht, ka qenë nën mbikëqyrje të forcave të KFOR-it.

I pyetur për arsyen e vendosjes së këtyre trupave në këtë lokacion, kryeministri i Kosovës, Ramush Haradinaj, tha se kanë qenë vetëm ushtrime dhe se në fjalorin ushtarak quhet ‘ushtrim i vërejtshëm’ , prandaj edhe nuk ka arsye për shqetësim nga publiku.

“Nga vizitat që kam pasur në Bondsteel kam mësuar shumë. Më ka ardhur shumë mirë për deklarimet e komandantit Nick Vujçiç për serbët e Kosovës që të mos i nënshtrohen presionit. Ajo që e keni parë në Liqenin e Gazivodës dhe në Veri është një ushtrim që quhet ‘i vërejtshëm’, pra një ushtrim me prezencë fizike të KFOR-it, është një aktivitet i zakonshëm i sigurisë. Mund të shohim edhe në të ardhmen, nuk duhet askush të shqetësohet”, tha Haradinaj.

-Advertisement-

Kryeministri ritheksoi se këto ushtrime të sigurisë që po bëhen kohë pas kohe, nuk e kanë për qëllim destabilizmin e vendit, prandaj edhe qytetarët duhet ta ruajnë qetësinë.

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme