Lajme

Haradinaj: Kërkesat e sindikalistëve do të adresohen në takimin e parë të Qeverisë

Autori: Gazeta inFokus 17:57 | 01 May 2018

Kryeministri i Republikës së Kosovës, Ramush Haradinaj, sot ka pritur në takim përfaqësuesit e Bashkimit të Sindikatave të Pavarura të Kosovës, të kryesuar nga kryetari, Avni Hajdini.

Kryeministri Haradinaj vlerësoi angazhimin e Bashkimit të Sindikatave të Pavarura të Kosovës, si dhe protestën e sotme, të cilën e konsideroi si të dinjitetshme dhe në shërbim të realizimit të të drejtave të punëtorëve.

Kryeministri Haradinaj u zotua se Qeveria e Kosovës do të jetë partner i BSPK-së në përmbushjen e kërkesave të BSPK-së.

-Advertisement-

“Në mbledhjen e parë të Qeverisë do të ngritën shqetësimet e shprehura nga ana juaj. Nuk do të rrimë në pritje dhe do të ndërmarrim veprime konkrete në realizimin e kërkesave për të drejtat e punëtorëve në vend”, tha kryeministri Haradinaj.

Kryeministri Haradinaj duke i siguruar që të gjithë do të kenë trajtim të barabartë, tha se Qeveria e Kosovës është e përkushtuar që t’i trajtoj me kujdes të veçantë të gjitha kategoritë e shoqërisë.

Nga ana e tij, kryetari BSPK-së, Avni Hajdini, kërkoi mbështetjen e kryeministrit Haradinaj që të respektohen të drejtat e punëtorëve, respektimi i orarit të punës si dhe të mos ketë diskriminim në pagë.