Lajme

Haradinaj i kërkon Hotit të nisin fluturimet

Autori: Gazeta inFokus 09:33 | 23 Qershor 2020

Aeroporti i Prishtinës për disa ditë me radhë ka njoftuar anulimin e fluturimeve, derisa në anën tjetër pritet një vendim nga Qeveria rreth rinisjes.

Në lidhje me këto anulime ka reaguar edhe ministrja e Punëve të Jashtme, Meliza Haradinaj-Stublla, ku tregoj se ka pranuar shumë mesazhe dhe ankesa për anulimin e fluturimeve dhe mos hapjen e aeroportit.

Përmes një postimi në Facebook, ministrja ka thënë se i ka nisur një shkresë kryeministrit Avdullah Hoti dhe ministrit të Infrastrukturës, Arban Abrashi, dhe ministrit të Shëndetësisë, Armend Zemaj, për të parë mundësinë e hapjes së aeroportit, por në bazë të rekomandimeve të OBSH’së, shkruan Gazeta Metro.

-Advertisement-

”Po për këtë temë, në mëngjesin e sotëm i kam dërguar shkresë zyrtare Kryeministrit Hoti, Ministrave Zemaj dhe Abrashi, që të shohin të gjitha mundësitë që sa më parë të hapin Aeroportin e Prishtinës dhe t’i lejojnë fluturimet, gjithmonë duke respektuar dhe ndjekur udhëzimet e IKSHP-së dhe OBSH-së”, ka shkruar ajo.

Ky është postimi i plotë:

”Me qindra mesazhe dhe telefonata nga diaspora jonë kanë ardhur këto ditë në adresën time dhe të MPJD-së, me kërkesën për hapjen e Aeroportit Ndërkombëtar të Prishtinës “Adem Jashari”.

I mirëkuptoj të gjitha këto shqetësime, veçmas për shkak të anulimeve të vazhdueshme të avio-biletave, koston e madhe financiare dhe pasigurinë nga gjendja e krijuar.

Po për këtë temë, në mëngjesin e sotëm i kam dërguar shkresë zyrtare Kryeministrit Hoti, Ministrave Zemaj dhe Abrashi, që të shohin të gjitha mundësitë që sa më parë të hapin Aeroportin e Prishtinës dhe t’i lejojnë fluturimet, gjithmonë duke respektuar dhe ndjekur udhëzimet e IKSHP-së dhe OBSH-së.

Do të kërkojmë zgjidhje të përshtatshme dhe të sigurtë për bashkëqytetarët tanë dhe për rikthimin në punë të Aeroportit të Prishtinës sa më parë të jetë e mundur.”/gazetametro.net