Lajme

Haradinaj i drejtohet Kurtit me disa pyetje për energjinë

Autori: Gazeta inFokus 12:14 | 21 July 2022

Kryetari i Aleancës për Ardhmërinë e Kosovës, Ramush Haradinaj në seancën e sotme na kuadër të pikës për pyetjet parlamentare ia ka parashtruar disa pyetje kryeministrit të Kosovës, Albin Kurti në lidhje me situatën energjetike në vend, shkruan Gazeta Infokus.

Në fjalen tij, i pari i AAK-së tha se Kosova është në krizë energjetike, e që kjo krizë nuk po vërehet edhe në muajt e verës.

Gjithashtu, ish-kryeministri Haradinaj përmendi edhe gazsjellsin amerikan, ku sipas tij nuk premtohet një e ardhme më e mirë pasi është hjek dorë edhe prej gazsjellësit amerikan.

-Advertisement-

“Kosova është në krizë të rëndë energjetike, edhe pse ajo nuk vërehet në këtë muaj të verës. Situata e Kosovës është e rënduar së pari nga heqja dorë nga ndërtimi i kapaciteteve energjetike me thëngjill, poashtu nuk premtohet një e ardhme më e mirë pasi është hjek dorë edhe prej gazsjellësit amerikan… Andaj i kam drejtuar disa pyetje kryeministrit dhe janë si vijon: Cila është situata elektroenergjetike në vend, në cfarë gjendje janë kapacitetet prodhuese energjetike në vend, a keni ndonjë strategji veprimi për përballimin e një sfide të mundshme energjetike, a keni shqyrtuar mundësinë që me lidh një marrëveshje krize me Shqipërinë për shkëmbim të energjisë, a keni ndonjë plan për krijimin e rezervave të karburanteve fosile ose për liberalizimin e tregut për burime konvencionale për ngrohje. Pra janë pyetje për masat që duhet ndërmarrë që ta përballojmë krizën energjetike në dimër që po vjen”, tha deputeti Haradinaj./Gazeta Infokus/

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme