Lajme

Haradinaj gọdet Limajn: Sjellje e turpshme nëse e mbështesin pushtetin, kemi kërku vota për ndryshim

Autori: Gazeta inFokus 11:17 | 14 Prill 2025

Kryetari i Aleancës për Ardhmërinë e Kosovës (AAK), Ramush Haradinaj, ka dhënë një deklaratë për media pas regjistrimit si deputet në legjislaturën e nëntë të Kuvendit të Kosovës, shkruan Gazeta Infokus.

“Ne, në parim, e mbështesim kandidatin për kryetar të Kuvendit. Natyrisht do të zhvillojmë konsultime me partitë tjera opozitare, si PDK dhe LDK. Besoj se konstituimi i Kuvendit është në interes të të gjithëve. Më pas, sikurse dihet, Aleanca është e përkushtuar që në rast të pamundësisë së pozitës për të krijuar shumicën, të punojmë për formimin e një qeverie nga opozita,” u shpreh Haradinaj.

I pyetur për raportet me Nismën Socialdemokrate dhe liderin e saj, Fatmir Limaj, Haradinaj u shpreh se nuk ka pasur komunikim pas, siç e quajti ai, “intervistës së famshme” të Limajt.

-Advertisement-

“Krijimi i një shumice nga opozita ka qenë i vështirë në vetvete, por pozicionimi i hershëm i zotit Limaj e ka bërë edhe më të vështirë. Ka qenë një vendim i parakohshëm. Nëse Nisma dhe z. Limaj vendosin të mbështesin pushtetin, atëherë ata ndahen nga ne. Kjo do të ishte një ndarje e turpshme, pasi ne kemi kërkuar votën për ndryshim,” tha ai.

Haradinaj gjithashtu bëri të ditur se i ka dërguar një shkresë Limajt, përmes së cilës e ka shprehur shqetësimin e tij për qëndrimin e marrë nga ky i fundit, të cilin e cilëson si “të parakohshëm dhe befasues”, duke theksuar se kjo ka vështirësuar përpjekjet për krijimin e shumicës opozitare.

Kur u pyet nëse AAK ka ndonjë kusht për të hyrë në koalicion, Haradinaj u përgjigj shkurt:


“Për VV kemi një kërkesë, të kalojë në opozitë. Për opozitën, nuk kemi asnjë kusht.”

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy