Lajme

Haradinaj godet ashpër Austrinë që po mbështet ndryshimin e kufijve të Kosovës

Autori: Gazeta inFokus 22:26 | 22 February 2019

Kryeministri i Kosovës Ramush Haradinaj thotë se i di arsyet pse Austria po mbështet ndarjen e Kosovës. Ai ka kujtuar dasmën e kryediplomates austriake korrikun e vitit të kaluar në të cilën i ftuar ishte edhe presidenti rus Vladimir Putin.

Nusja Karin Kneissl është përgjegjëse në qeverinë austriake për punët e jashtme. Rusi kishte dhuruar asaj lule dhe gjatë dasmës edhe kishin vallëzuar bashkë.

Karin Kneissl duke vallëzuar me Putinin gjatë dasmës.

-Advertisement-

“Ishte shumë domethënës fakti se presidenti Putin mori pjesë në dasmën e Ministres së Jashtme të Austrisë. Pastaj shihni kush është për ndarje të Kosovës, Kancelari i Austrisë. Pra Putini i shkoj në dasmë ministres që ia bën politikën e jashtme, përfshirë Ballkanin”, thotë Haradinaj.

“Nuk i shkoj Trumpi në dasmë, nuk i shkoj Merkeli por i shkoj Ministres së Jashtme të Austrisë Vladimir Putin në dasmë edhe vallëzoi me nusen’, tregoi Haradinajt skenat që kishte parë në media.

“Nëse ne nuk dijmë me i lexu këto deklarata ne nuk e meritojmë as shtetin”, tha i pari i ekzekutivit.

Haradinaj vazhdimit është shprehur kundër ndryshimit të kufijve.

Subscribe në YouTube: GAZETA INFOKUSI