Lajme

Haradinaj, Gjini, Ramosaj e Latifi bëjnë homazhe te “Monumenti i Dëshmorëve” në Rogovë të Hasit

Autori: Gazeta inFokus 13:47 | 29 January 2022

Kryetari i Aleancës për Ardhmërinë e Kosovës, Ramush Haradinaj, kryetari i Gjakovës, Ardian Gjini, ai i Deçanit, Bashkim Ramosaj dhe Smajl Latifi kanë bërë homazhe te “Monumenti i Dëshmorëve” në Rogovë të Hasit.

Në 23 vjetorin e masakrës në këtë fshat, edhe shumë qytetarë kanë nderuar 21 dëshmorët te cilët ranë në pritë.

Homazhe do të bëhen edhe te varrezat e dëshmorëve në Rogovë të Hasit.

Sot bëhen 23 vite nga masakra që u bë në fshatin Rogovë të Hasit, aty ku ranë në pritë luftëtarët e Ushtrisë Çlirimtare të Kosovës, por nuk u kursyen as shumë civilë të fshatit.

Në datat 27, 28 dhe 29 janar të vitit 1999 në këtë fshat ranë dëshmorë 21 persona.

Aty heroikisht dhanë jetën: Agim Zeneli, Luan Smajli, Agron e Sejdi Rama, Pren e Meme Lleshi, Agush Gjoci, Valon Gashi, Bahtjar Morina, Daut Kelmendi, Emrush Çeta, Kasim Shala, Hamdi Berisha, Gezim Ademi, Haxhi Lypjani, Gasper Karaçi, Ilir Merturi, Naim Gashi,Naim Dreshaj,Sahit Krasniqi dhe Vesel Avdyli.

Po në këto data, kujtohen dhe nëntë të rënë të tjerë në fshatin Goden dhe Bishtazhin të komunës së Gjakovës.

Me këtë rast, sot bëhen homazhe tek “Monumenti i dëshmorëve” në Rogovë si dhe tek varrezat e dëshmorëve.

Etiketa:

Të tjera

rel="nofollow"