Lajme

Haradinaj: Gjendja në arsim nuk është e mirë

Autori: Gazeta inFokus 14:51 | 03 January 2018

Kryeministri i Kosovës Ramush Haradinaj tha sot se gjendja në arsim nuk është e mirë. Sipas tij për këtë sektor duhet shumë punë.

Këtë deklaratë Haradinaj e ka bërë pas një takimi me ministrin e Arsimit, Shyqiri Bytyqi.

“Sektori i energjisë na ka marr shumë punë, por tash e kemi në prioritet arsimin. Vlerësimi i testit Pisa që do të mbahet prill ose maj, një pjesë e përgjegjësisë bie për këtë për kryetarët e komunave, drejtorët e arsimit e deri te arsimi”, ka thënë Haradinaj.

-Advertisement-

Ai ka folur edhe për sigurinë dhe dukurinë e përdorimit të drogës nëpër shkolla. Sipas tij, ende vazhdon prania e qytetarëve që shpërndajnë drogë në shkolla ndërsa ka folur edhe për paralajmërimet për greva nga mësimdhënësit. Haradinaj tha se rritja e pagave 4 përqind është në kuadër premtimit.

“Premtimi elektoral për paga po, por edhe përgjegjësia duhet kërkuar”, tha Haradinaj.

Subscribe në YouTube: GAZETA INFOKUSI