Lajme

Haradinaj: Duhet t’i korrigjojmë lumenjtë të mos na vërshojnë

Autori: Gazeta inFokus 17:19 | 20 Gusht 2018

Qeveria e Kosovës do të ndajë rreth 1.1 milion euro për të kompensuar dëmet që kanë shkaktuar vërshimet në Suharekë, e cila do t’i bashkëngjitet shumës përafërsisht prej gjysmë milioni, duke arritur kështu në total shumën mbi 1.5 milion euro.

Kjo është bërë e ditur gjatë një vizite që kryeministri Ramush Haradinaj i bëri sot kësaj komune, e cila si pasojë e vërshimeve ka pësuar dëme materiale që kalojnë shumën 6 milionë euro.Haradinaj ka përgëzuar qytetarët dhe institucionet për mobilizim, dhe ka thënë se pas fondit emergjent, do të ndajnë edhe fonde tjera për kompensimin e dëmeve. Ndërsa kryetari i Suharekës, Bali Muharremaj, ka thënë se komuna që ai drejton si fond emergjent për të dëmtuarit nga vërshimet do të ndajë 430.000 euro. Ai ka thënë se gjendja vazhdon të jetë e rëndë, por, sipas tij po punojnë në këtë drejtim.

Prej fondit emergjent, Muharremaj ka njoftuar se rreth 350.000 euro do të ndahen për dëmet në bujqësi. Ndërsa, ministri i Financave, Bedri Hamza, ka njoftuar që qeveria ka ndarë një fond emergjent në vlerë prej 1.1 milion eurosh.

-Advertisement-

Kryeministri Haradinaj është pyetur se a do të ketë korrigjim të kufijve me Serbinë, por ai u përgjigj me shaka duke thënë njëherë po merren me korrigjimin e lumenjve, duke iu referuar vërshimeve të fundit në Suharekë.

Haradinaj ka vizituar edhe tri fshatra të Suharekës, ku janë takuar me disa nga familjet të cilat kanë pësuar dëme nga vërshimet në Grejkoc, Sopi dhe Nëpërbisht.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy