Lajme

Haradinaj: Brigada 133 “Adrian Krasniqi” ishte krah i fortë i luftës për liri

Autori: Gazeta inFokus 09:28 | 12 April 2023

Kryetari i Aleancës për Ardhmërinë e Kosovës, Ramush Haradinaj, ka thënë se brigada 133 “Adrian Krasniqi” e zonës operative të Dukagjinit, që nga themelimi i saj, ishte krah i fortë i luftës për liri, shkruan Gazeta Infokus.

Haradinaj përmes një postimi në “Facebook”, ka kujtuar betejat e prillit kur luftëtarët e kësaj brigade, me heroizmin e tyre, i treguan armikut se pranvera e ardhshme do ta gjejë Kosovën të lirë.

“Brigada 133 “Adrian Krasniqi” e Zonës Operative të Dukagjinit, që nga themelimi i saj, ishte krah i fortë i luftës për liri. Me betejat e tyre, ata nderuan emrin e heroit Adrian Krasniqi, Ushtrinë Çlirimtare të Kosovës dhe mbarë shqiptarët. Kujtojmë sot betejat e Prillit, kur luftëtarët e kësaj brigade, me heroizmin e tyre, i treguan armikut se pranvera e ardhshme do ta gjejë Kosovën të lirë. Sot, gjithashtu në nderim të martirëve dhe heronjve në Lubizhdë të Hasit, kujtojmë me pietet sakrificën e tyre madhore për atdheun dhe nderojmë kontributin e rajonit të Hasit për liri. Gjatë gjithë përpjekeve shekullore, ky rajon ishte aty ku shkruhej historia. Lavdi e përjetshme të rënëve për liri”, ka shkruar Haradinaj./Gazeta Infokus/

-Advertisement-

Subscribe në YouTube: GAZETA INFOKUSI
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme