Lajme

​Haradinaj: Anëtarësimi i Kosovës në NATO forcon paqen e sigurinë në rajon

Autori: Gazeta inFokus 14:41 | 10 February 2024

Kryetari i Aleancës për Ardhmërinë e Kosovës (AAK), Ramush Haradinaj, deklaroi se anëtarësimi i Kosovës në NATO do të forconte paqen dhe sigurinë në vend dhe rajon.

Ai këto komente i bëri sot në ceremoninë e ndërrimit të komandës së Njësisë së Specializuar Shumëkombëshe që vepron në kuadër të KFOR-it italian në Kosovë.

Haradinaj ka thënë se Italia ka dhënë kontribut të madh për paqen dhe sigurinë në Kosovë.

-Advertisement-

“Italia është një nga kontribuuesit më të mëdhenj të paqes dhe sigurisë në kuadër të misionit të KFOR-it në Kosovë, duke luajtur rol edhe në shumë procese të rëndësishme për vendin. Partneriteti mes dy vendeve tona i krijuar prej vitesh, duhet të thellohet e zgjerohet në procese të rëndësishme që kemi përpara, siç është anëtarësimi i Kosovës në NATO, akt ky që do e forconte paqen dhe sigurinë në vend dhe rajon dhe në këtë synim, roli i KFOR-it është i jashtëzakonshëm”, ka thënë Haradinaj.

Haradinaj ka falënderuar gjeneral Ruggerio Capodivento për angazhimin profesional dhe miqësor gjatë shërbimit të tij në Kosovë, teksa i uroi mirëseardhje kolonelit Rosati, me urimet më të mira për sukses në detyrën e re.

Vizitoni kanalin tonë në Youtube:

 

Subscribe në YouTube: GAZETA INFOKUSI
Etiketa:
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

lajme