Lajme

​Haradinaj: AAK, e gatshme për zgjedhje parlamentare

Autori: Gazeta inFokus 07:53 | 20 December 2023

Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se partia që ai drejton është e gatshme për zgjedhje të reja parlamentare kurdo që ato mund të mbahen.

Ai këto komente i bëri pas takimeve sot me kryesitë e degëve të AAK-së nga Gjilani dhe Klina, me të cilat ka biseduar mbi situatën politike dhe organizimin partiak.

“Me kolegët e Aleancës nga Klina dhe Gjilani zhvilluam një diskutim përmbajtësor për situatën aktuale politike dhe aspektet organizative në parti”, ka thënë Haradinaj.

-Advertisement-

Ai shtoi se Klina mbetet storie suksesi falë punë së kryetarit Zenun Elezaj, ndërsa AAK në Gjilan është më e fuqishme se kurdo herë më parë.

Sipas Haradinajt, AAK është e gatshme për zgjedhje kurdo që ato do të mbahen.

“Aleanca është e gatshme për zgjedhje nacionale kurdo që ato mund të ndodhin. Mbetemi të vendosur në mbrojtje të të arriturave që Kosova ka shënuar gjatë rrugëtimit të saj e që sot janë të rrezikuara nga mentaliteti i tanishëm politik që qeverisë me vendin”, ka përfunduar Haradinaj.

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme