Lajme

Hapja e urës së Ibrit, Lajçak: Pretendimet se BE-ja është kundër janë të pavërteta dhe çorientuese

Autori: Gazeta inFokus 22:50 | 14 August 2024

Emisari Special i Bashkimit Evropian për dialogun mes Kosovës dhe Serbisë, Miroslav Lajçak, ka thënë se zërat se BE-ja është kundër hapjes së urës kryesore të Ibrit janë të pavërteta dhe çorientuese.

Përmes një postimi në platformën “X”, Lajçak ka theksuar se BE-ja gjithmonë ka insistuar që çështja e hapjes së urës duhet të trajtohet në kuadër të dialogut mes Kosovës dhe Serbisë, të lehtësuar nga BE-ja.

“BE-ja ka përsëritur në mënyrë të vazhdueshme se çështja e urës së Mitrovicës duhet të diskutohet në Dialogun e lehtësuar nga BE-ja. Pretendimet se BE-ja është kundër hapjes së urës ose ka ndryshuar qëndrim janë të pavërteta dhe çorientuese,” ka shkruar ai.

-Advertisement-

Ndërsa, zëvendëskryeministri i Kosovës dhe kryenegociatori për dialogun me Serbinë, Besnik Bislimi, ka deklaruar në “X” se BE-ja po kërcënon me vendosjen e masave të reja ndaj Kosovës nëse zbatohet marrëveshja që vetë ajo ka ndërmjetësuar.

Bislimi ka shpjeguar se gjatë vizitës së fundit të Lajçakut në Kosovë më 19 qershor, emisari i BE-së kishte rekomanduar që çështja e urës mbi lumin Ibër të diskutohej brenda dialogut në Bruksel ose, nëse Kosova nuk e preferon këtë, të zhvillohen bisedime të brendshme me serbët lokalë.

Gjithashtu, një partner i QUINT-it kishte kërkuar që të kryheshin inspektime teknike, edhe pas përmbushjes së këtyre kërkesave, Bislimi ka theksuar se BE-ja tani po kërcënon me masa ndaj Kosovës në rast të hapjes së urës për qarkullim të automjeteve.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme