Lajme

Hapet konkursi për pranimin e studentëve të UP-së në Qendrën e Studentëve

Autori: Gazeta inFokus 16:43 | 04 September 2018

Qendra e Studentëve e Universitetit të Prishtinës (UP), ka hapur konkursin për e studentëve për banim në konvikte dhe për ushqim në mensë, për vitin akademik 2018/2019.

Në faqen zyrtare të QS-së bëhet e ditur se konkursi do të jetë i hapur nga sot deri më 13.09.2018 në orën 16:00, shkruan gazeta inFokus.

Pjesë e Qendrës së Studentëve do të mund të bëhen 4 mijë studentë të Universitetit të Prishtinës.

-Advertisement-

Disa nga kriteret që studentët duhet të plotësojnë që të bëhen pjesë e QS-së janë largësia prej 25 kilometra nga komuna e Prishtinës dhe pikët nga suksesi i studimeve.

“Kriteret për pranim dhe pikët e mundshme:

Studentët nga Fakulteti i Mjekësisë, Fakulteti Teknik dhe Fakulteti i Shkencave Matematiko-Natyrore me notë mesatare 9.00 dhe me largësi 25 km e më shumë nga Prishtina, pranohen në konvikte pavarësisht totalit të pikëve të fituara.
Studentët nga fakultetet e tjera me notë mesatare 9.5 dhe me largësi 25 km e më shumë nga Prishtina pranohen në konvikte pavarësisht totalit të pikëve të fituara.
Studentët për notë mesatare fitojnë …………………………….…..….5 – 15 pikë
Largësia nga komuna e Prishtinës…………….…………………………2 – 10 pikë
Studentët jashtë territorit të Republikës së Kosovës për largësi marrin …15 pikë

Sqarim: Njoftojmë studentët se pikët e fituara nga nota mesatare dhe nga largësia llogariten në mënyrë automatike nga SEMS ndërsa studentëve nën asistencën sociale pikët i’u llogariten përmes sistemit online. Andaj nuk është e nevojshme që këto dokumente të ngarkohen gjatë aplikimit.”, thuhet në faqën e QS-së.

Gazeta inFokus të hënën ka kontaktuar me zyrtarë të Qendrës së Studentëve të cilën kanë dhënë detaje rreth çmimit, kushteve dhe ndryshmëve që janë bërë këtë vit./inFokus

Lexo edhe: Lajm i mirë për studentët e Universitetit të Prishtinës

Subscribe në YouTube: GAZETA INFOKUSI