Sport

Hansi Flick befason me deklaratën e tij pas humbjes nga PSG

Autori: Gazeta inFokus 23:55 | 07 April 2021

Bayern Muncheni ka pësuar humbje në shtëpi nga PSG me rezultat 2-3, në duelin e parë të vlefshëm për çerekfinalen e Ligës së Kampionëve, shkruan Gazeta inFokus.

Në takimin e zhvilluar në stadiumin ‘Allianz Arena’, golat për mysafirët i realizuan Mbappe 2x (3’ dhe 68’) dhe Marquinhos (28’), kurse për vendasit shënuan Choupo-Moting (37’) dhe Muller (60’).

Pas ndeshjes ka folur trajneri i ‘bavarezëve’, Hansi Filick, i cili përkundër humbjes është shprehur i k shprehur i kënaqur me lojën e treguar nga futbollistët e tij.

“Ne patëm shumë raste, por mënyra se si luajtëm ishte mbresëlënëse. Nuk më pëlqen të humbas, por nëse humbasim, atëherë le të bëjmë lojë të tillë”, ka thënë Flick.

Tutje ai shtoi se me lojën e treguar sonte mund të kenë rezultatin pozitiv në duelin kthyes.

“Nëse e shikoni këtë lojë sot, ju mund të jeni pozitiv në lidhje me ndeshjen tonë në Paris”, vazhdoi tutje tekniku gjerman.

Ndeshja e kthimit mes PSG-së dhe Bayern Munchenit do të luhet pas një jave në Paris./Gazeta inFokus/

Të tjera

Fokusi

sport