Lajme

Hamza viziton biznese në Rahovec: Të gjithë ata që duan të punojnë do ta kenë mbështetjen time

Autori: Gazeta inFokus 18:40 | 21 November 2024

Kandidati për kryeministër nga Partia Demokratike e Kosovës, Bedri Hamza ka vizituar industri të teknologjisë të ushqimit në fshatin Xerxë të Rahovecit.

Hamza ka thënë se ky është një rajon bujqësor me shumë prodhime vendore, shkruan Gazeta Infokus.

Ai ka deklaruar se me të në pushtet të gjithë njerëzit që duan të punojnë do të kenë përkrahjen e tij.

-Advertisement-

“Një vizitë në Frigo Star, një emër i besuar në industrinë e teknologjisë së ushqimit në Xerxë të Rahovecit. Ky është një rajon bujqësor, me shumë vreshtarë e perimtarë të dalluar, që i mbushin tryezat tona me prodhime vendore. Gjithandej Kosovës, njerëzit që duan të punojnë, që kanë ide e plane, do ta kenë mbështetjen time. Ne do t’i mbështesim ndërmarrjet që t’i rrisin investimet e tyre, por prej tyre kërkojmë t’i mbështesin më shumë punëtorët, me vende pune të qëndrueshme dhe me kushte e paga të dinjitetshme. Vendit i duhen investime publike që nxisin punësim dhe zhvillim. Kosova mundet ma mirë”, shkruan Hamza në njoftimin në llogarinë e tij në facebook./Gazeta Infokus

Subscribe në YouTube: GAZETA INFOKUSI