Lajme

Hamiti i LDK’së ironizon pak: Ky Mujeci i VV’së si Muja i legjendave: drejt bashkimit kombëtar me të gjitha mjetet

Autori: Gazeta inFokus 13:49 | 15 August 2023

Muhamet Hamiti i LDK-së ka reaguar pas rastit të arrestimit të asamblistit të VV-së në Prishtinë, Besnik Mujeci.

Ai ka thënë se për dy vjet e gjysmë Qeveria e Lëvizjes Vetëvendosje ia ka dalë ta konfirmojë veten si pushtetin korruptiv par excellence në Kosovë.

Hamiti ka shkruar se edhe drogën e tregtojnë për të mirën e kombit, në relacion Prishtinë – Tiranë.

-Advertisement-

“Edhe drogën e tregtojnë për të mirën e kombit, në relacion Prishtinë – Tiranë. Ky Mujeci i VV-së si Muja i legjendave: drejt bashkimit kombëtar me të gjitha mjetet!”

“Lavdi marrësizë së regjimit të ri! #KREJTdheDREJT”

Postimi i plotë:

Lavdi marrëzisë së regjimit të ri!

Për dy vjet e gjysmë Qeveria e Lëvizjes Vetëvendosje (VV) ia ka dalë ta konfirmojë veten si pushtetin korruptiv par excellence në Kosovë.

VV-ja e Kurtit e shkel Kushtetutën e shtetit të Kosovës. Nuk pendohet se i ka shkelur, po i vjen keq pse opozita ka bërë parashtresa, ndërsa Gjykata Kushtetuese i ka konstatuar shkeljet e Kushtetutës në shumë raste. Sepse shkeljet i ka bërë për të mirën e Republikës.

Protagonistë të lartë të LVV-së së kryeministrit Kurtit bëjnë korrupsion për të mirën e vet, që, në optikën e tyre i bjen për të mirën e Republikës.

Edhe drogën e tregtojnë për të mirën e kombit, në relacion Prishtinë – Tiranë. Ky Mujeci i VV-së si Muja i legjendave: drejt bashkimit kombëtar me të gjitha mjetet!

Kjo është Qeveria e Shpresës. Ky është regjimi i ri. Ky është ndryshimi aq shumë i proklamuar, të cilin tash po e përjetojnë si përkrahësit ashtu edhe kundërshtarët e regjimit.

Me këtë Qeveri Kosova po e jeton edhe regjimin e sanksioneve ndërkombëtare, që s’i kishte përjetuar kurrrë me regjimin e vjetër.

Lavdi marrësizë së regjimit të ri! #KREJTdheDREJT

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy