Haliti: Rrëmbimi i policëve është bërë me urdhër të Vuçiqit
Autori: Gazeta inFokus 09:13 | 17 June 2023
Deputeti i Pasrtisë Demokratike të Kosovës, Xhavit Haliti ka folur së fundmi për situatën në veri të vendit, me ç’rast ka thënë se atje janë krijuar tri grupe që nuk janë të kordinuara me njëra-tjetrën, por të kordinuara me një qendër, “e cila është krijuar në qendër operative që është krijuar dhe funksionon në Kralevë”.
Ai ka thënë se të gjitha komunikimet i bëjnë me këtë qendër, e cila u jep urdhëra dhe i këshillon se çfarë duhet të bëjnë.
Ndërsa, për arrestimin e tre policëve të Kosovës nga forcat serbe në veri të vendit, Haliti është shprehur se ata janë goditur përmes një lloj arme paralizuese, të cilën e përdorin shërbimet ruse dhe izraelite në luftë kundër terrorizmit. Sipas tij, rrëmbimi i policëve të Kosovës është bërë me urdhër të presidentit serb, Aleksandar Vuçiq.
“Dhe kjo armë është shumë e rrezikshme edhe për jetën e njeriut. Pra, kjo armë është përdorur kundër policëve të Kosovës dhe pastaj janë marrë dhe janë dërguar, ku janë dërguar atje në Serbi dhe janë dhënë aso lloj injeksionesh me qëllim që të mos kenë pasoja që pastaj të krijohen probleme të tjera dhe më të mëdha për qeverinë serbe. Pra, duke krijuar një qendër, një qendër operative në Kralevë, duke përdor nga njësia sepciale Kobra, e cila është e komanduar vetëm nga Vuçiqi dhe nga ministri brendshëm, atëherë vetëvetiu është e kuptueshme se kjo është bërë me urdhër të Vuçiqit”, ka thënë Haliti mbrëmë në Rtsh.
Ai ka apeluar që institucionet ndërkombëtare dhe mjekësia ligjore e ndërkombëtarëve të shkojnë dhe t’i vizitojnë policët e arrestuar në burg ose në spitalin e burgut apo kudo që janë, në mënyrë që të konstatohet gjendja shëndetësore e tyre. Kjo për shkak siç ka thënë ai, të përdorimit të armës që është shumë e rrezikshme.
Duke folur për situatën në veri, deputeti i PDK-së ka thënë se kryeministri Albin Kurti me “veprimet e tij të pamatura e ka hequr systemin shtetëror që ka qenë në veri”.
Ai ka thënë se Kurti e ka të domosdoshme që nëse nuk ka vendosur në variantin nuk e bëj me paqe Asociacionin, “atëherë vetvetiu po shkon drejt asaj që situata të agravohet dhe të vendosen ndoshta, s’po them sanksione po të rivendoset administrata e UNMIK-ut në veri dhe të vendoset ai pushteti që po e quajmë ne Asociacion, ndoshta më keq se Asociacioni”.
Haliti është shprehur se Asociacioni nuk është përgjegjësi, nëse Kurti nuk dëshiron ta marrë këtë barrë.
“Asociacioni është nënshkruar në Bruksel, është nënshkruar nga kryeministrat e Kosovës dhe z.Kurti është zotuar me zabuar këtë marrëveshje të Brukselit në Ohër”, ka shtuar tutje ai.
Situata në tri komunat në veri të vendit është tensionuar të premten e 26 majit, kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës. Të hënën (29 maj) protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar e djegur vetura të mediave.
Qeveria e Kosovës është kritikuar lidhur me veprimet në veri të vendit.
Të martën (13 qershor), është raportuar se Bashkimi Evropian ka përgatitur masa fillestare, si sanksione kundër Kosovës për shkak të mospërfilljes së kërkesave për hapa të menjëhershëm nga Qeveria e Kosovës për uljen e tensioneve në veri. Sipas këtyre masave, sanksionet do të përfshijnë pezullimin e ftesave për pjesëmarrjen e Kosovës në ngjarjet e nivelit të lartë dhe vizitave dypalëshe nga Bashkimi Evropian dhe vendet anëtare. Ndërsa, të mërkurën (14 qershor) Bashkimi Evropian ka deklaruar se kanë vendosur të ndërmarrin masa ndaj Kosovës, por që të njëjtat nuk janë sanksione.
Të mërkurën (14 qershor) tre zyrtarë kufitarë janë rrëmbyer nga forcat serbe gjatë një patrullimi në vijën kufitare në veri të Kosovës. Policia ka bërë të ditur se njësia policore ka qenë në detyrë thellë brenda territorit të Kosovës për të parandaluar shfrytëzimin e rrugëve ilegale. Tre policëve të rrëmbyer nga forcat serbe dje (17 qershor) i është shqiptuar masa e paraburgimit.
Ndërkohë, Shtetet e Bashkuara të Amerikës, Britania e Madhe, Gjermania kanë bërë thirrje për lirimin e menjëhershëm të tre policëve të Kosovës, të arrestuar në veri nga forcat serbe.
Ndërkohë, dje (16 qershor) në Leposaviq janë sulmuar ekipet e mediave. Policia ka informuar se në afërsi të komunës së Leposaviqit nga individë dhe grupe kriminale janë sulmuar fizikisht në mënyrë brutale 9 gazetarë të mediumeve të ndryshme të Kosovës dhe është hedhur një mjet, dyshohet shok bombë. “Bazuar në informacionet e deritanishme bëhet fjalë për nëntë gazetarë të sulmuar të cilët kanë qenë me detyrë zyrtare duke përcjellë zhvillimet pranë komunës së Leposaviqit, ku disa prej tyre përveç shqetësimeve kanë pësuar edhe lëndime të ndryshme trupore, si dhe kanë pranuar tretman mjekësor”, është bërë e ditur nga PK.
Të tjera
-
Alma zbuloi tradhtinë e bashkëshortit, pas takimit me kunatën u hodh nga ura e Bunës me tre fëmijët
Të tjera detaje tronditëse janë zbuluar nga ngjarja e rëndë në qytetin e Shko...
-
Shkodër: Një 9-vjeçare dyshohet se u vetëv*a pas dhu*ës së ushtruar nga babai
Policia shqiptare njoftoi se për shkak të dhunës së ushtruar nga babai, një v...
-
Drejtori i Agjencisë Kundër Korrupsionit: Kemi politikanë me pasuri miliardëshe
Në një intervistë në emisionin #KallxoPërnime, drejtori i Agjencisë për Paran...
-
Kina lëshoi Chang’e-6 për të marrë mostra nga Hëna
Kina lëshoi anijen kozmike Chang'e-6 për të mbledhur dhe kthyer mostra nga an...
-
E rëndë në Shkodër, nëna me 3 fëmijë dyshohet të jetë mbytur në Drin, gjendet 1 trup
Një ngjarje e rëndë dyshohet se ka ndodhur në Shkodër. Nëna bashkë me 3 fëmij...
-
Thaçi: Rrogat deri në fund të vitit 700 euro, nuk i mbajmë rininë këtu duke u thirrë vetëm në emër të flamurit e idealit
Kryetari i Partisë Demokratike Shqiptare, Menduh Thaçi, ka deklaruar se duhet...
-
Osmani: Gëzuar Pashkët besimtarëve ortodoksë në Kosovë dhe në mbarë botën
Presidentja Vjosa Omani u ka uruar Pashkët të gjithë besimtarëve ortodoksë. ...
-
Dialogu rinor: Kina dhe Evropa nëpërmjet syve të rinisë
Në ditën e Rinisë të Kinës, dëgjoni mesazhe rinore.. [video width="360" he...
-
Policia shqiptoi për 24 orë, mbi një mijë e 200 gjoba në trafik
Policia e Kosovës njofton se për 24 orë, ka shqiptuar 1251 gjoba në trafik. ...
-
Tahiri kritikon Qeverinë Kurti: Kosova sot ballafaqohet me probleme serioze, pagat janë të njëjta, çmimet janë rritë
Shefi i deputetëve të Aleancës për Ardhmërinë e Kosovës, Besnik Tahiri, ka de...
-
Pejë: Regjistruesi i ASK-së raporton në polici se u sul*ua gjatë regjistrimit të popullsisë
Një regjistrues i Agjencisë së Statistikave të Kosovës ka raportuar në polici...
-
Dyshohet se i publikoi fotografi eksplicite një gruaje, arrestohet
Dje është arrestuar një person në Viti. Ai dyshohet se ia ka publikuar një...