Lajme

Halimi: “Rruga e Re” e LDK-së është për zëvëndësimin e propagandës me përgjegjësi

Autori: Gazeta inFokus 18:24 | 07 September 2023

Zëdhënësja politike e LDK-së, Sibel Halimi, ka shkruar sot për “Rrugën e Re” të partisë së saj, nismë kjo që është konkretizuar në 30 kapituj, e që sipas partisë që drejton Abdixhiku, ofron zgjidhjen për të gjitha fushat.

Halimi ka thënë se “Rruga e Re” është përkushtim për një shoqëri ku vendin e propagandës e zë përgjegjësia, për ofrim të zgjidhejve të problemeve të qytetarëve, e për Kosovën që rreshtohet krah botës që i prinë Amerika.

Reagimi i plotë:

-Advertisement-

Përgjatë dy ditëve diskutimi e punë të jashtëzakonshme, finalizuam Programin Politik të LDK-së, ‘Rruga e Re’, projektin e një kauze të madhe për perëndimorizimin dhe integrimin e vendit në strukturat euroatlantike.

‘Rruga e Re’ është përkushtimi për një shoqëri të lirë e të hapur, ku vendin e propagandës e zë përgjegjësia, për të ofruar zgjidhje të problemeve të qytetarëve; është rrugëtim drejt së ardhmes, drejt një mendësie qytetare, e cila lë pas gjuhën e urrejtjes, si në ditët me shumë dritë të LDK-së rugoviste, që nuk do ta ndajë shoqërinë kosovare në ‘ne’ dhe ‘ata’, por do ta unifikojë në pluralitet mendimesh e veprimesh politike.

Për Kosovën në rreshtin e botës që i prinë Amerika!

Për emancipim e mirëqenie!

Në një ambient paqësor e të vlerave të përbashkëta, të standardeve më të larta të humanitetit!

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme