Lajme

Halimi: Pushteti ka urrejtje të frikshme ndaj gazetarëve

Autori: Gazeta inFokus 14:01 | 31 Korrik 2023

Edhe zëdhënësja politike e LDK-së, Sibel Halimi, i ka dalë në mbrojtje gazetarëve pas gjuhës urrejtëse të partisë në pushtet dhe pas vendimit që rrezikon mbylljen e mediumit Klan Kosova.

Ajo ka deklaruar se demokracia pa media vdes.

“Një urrejtje e frikshme ndaj gazetarëve e partisë në pushtet e ka kontaminuar diskursin publik duke nxitur reagime destruktive të turmave ndaj medias.” ka shkruar Halimi.

-Advertisement-

Tutje, ajo ka deklaruar se qeveria e Kurtit po synon të ushtrojë “pushtetin popullist dhe etatist” pa e kuptuar publiku.

Postimi i plotë:

Liria e shtypit është e arritur e lirisë dhe demokracia pa media nuk funksionon, pra ajo vdes.

Një urrejtje e frikshme ndaj gazetarëve e partisë në pushtet e ka kontaminuar diskursin publik duke nxitur reagime destruktive të turmave ndaj medias.

Partia e Albin Kurtit e urren jo vetëm mendimin ndryshe dhe kritikën, por vet të menduarit sepse ai konsideron se pa gazetarët ose me disiplinimin ose rreshtimin e tyre mund ta realizojë ideologjinë e tij të majtë, që në thelb anon kah shkatërrimi ekonomik i vendit në emër të luftës kundër oligarkëve.

Të ushtrojë pushtetin popullist dhe etatist pa e kuptuar publiku.

Të sundoj me turmat, pa llogaridhënie, prandaj sulmon me kaq zell gazetarët e që në thelb është armiqësi, urrejtje e polarizim.

Një shumicë ideologjike me mendësi të tillë po e synon nënshtrimin e qytetarisë.

Thuani jo!

#megazetarët

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy