Lajme

Halimi: Kërcënimet e Serbisë s’duhet nënçmuar, por përfshirja e luftës në diskursin publik dëmton Kosovën

Autori: Gazeta inFokus 14:58 | 13 January 2024

Anëtarja e Kryesisë së Lidhjes Demokratike të Kosovës, Sibel Halimi, përmes një postimi në Facebook tha se kërcënimet e Serbisë kurrë nuk duhet të nënçmohen.

Mirëpo, ajo është shprehur se përfshirja e luftës dendur në diskursin publik për, siç tha ajo, qëllime populliste e konsum të brendshëm, nuk po e dëmton Serbinë, por sipas saj, imazhin e Kosovës në arenën ndërkombëtare.

Halimi gjithashtu është shprehur se paqja dhe siguria e qytetarëve është duke u mbikëqyrë nga aleatët tanë të NATO-s, siç tha ajo, veçanërisht nga Shtetet e Bashkuara të Amerikës.

-Advertisement-

“Kërcënimet e Serbisë kurrë nuk duhet të nënçmohen, porse, përfshirja e luftës dendur në diskursin publik për qëllime populliste e konsum të brendshëm, nuk po e dëmton Serbinë, por fatkeqësisht imazhin e Kosovës në arenën ndërkombëtare. Nuk ka fuqi kredibile financiare në botë që investon kapitalin e vet në një vend ku rreziku potencial për luftë është i lartë. Paqja, siguria e qytetarëve është duke u mbikëqyrë nga aleatët tanë të NATO-s, veçanërisht nga Shtetet e Bashkuara të Amerikës”.

“Kosova duhet ta ndërtojë një tregim paqeje e prosperiteti, por fatkeqësisht me këtë mendësi politike të VV-së, ky tregim perceptohet si i zymtë dhe me mundësi shpërthyese. Përhapja e panikës së luftës, me qëllim që qytetarët tanë të mos kërkojnë zhvillim e mirëqenie, por të mjaftohen me paqen, në planin afatgjatë do të ketë pasoja të mëdha për vendin”, thuhet në postimin e saj.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme