Lajme

Haley: Gratë që raportojnë abuzime duhet të dëgjohen, edhe nëse objektivi është Trump

Autori: Gazeta inFokus 18:38 | 10 December 2017

Ambasadorja e SHBA-ve në OKB Nikki Haley, tha të dielën se çdo grua që është ndier e shkelur, apo e keqtrajtuar, ka të drejt të flasë, edhe nëse është presidenti Donald Trump objekti i akuzave.

Akuzat për sjellje të papërshtatshme seksuale ose sjellje të pahijshme kanë çuar në dorëheqjen e tre anëtarëve të Kongresit këtë muaj.

Vala në rritje e grave që raportojnë abuzim apo sjellje të keqe ka larguar nga pozitat e tyre burra të fuqishëm nga Hollivudi në Uashington, nga producenti i filmit Harvey Weinstein në personalitetin e njohur televiziv Matt Lauer.Më shumë se 10 gra kanë akuzuar Donald Trump për sjellje të pahijshme seksuale para se ai të bëhej President.

-Advertisement-

Haley, duke diskutuar ndryshimin kulturor të grave në programin “Face the Nation”, duartrokiti gratë që kanë folur publikisht për keqtrajtimin e tyre.

“Jam krenare për forcën e tyre. Jam krenare për guximin e tyre “.E pyetur se si njerëzit duhet t’i vlerësojnë ato femra që akuzojnë Presidentin, Haley tha se ishte “e njëjta gjë”.

“Gratë që akuzojnë dikë duhet të dëgjohen. Ata duhet të dëgjohen dhe duhet të trajtohen, dhe mendoj se i kemi dëgjuar ato para zgjedhjeve”, tha ajo. “Unë mendoj se çdo grua që është ndier e shkelur ose e keqtrajtuar në ndonjë mënyrë, ato kanë çdo të drejtë të flasin”, shtoi Haley.

Subscribe në YouTube: GAZETA INFOKUSI