Haki Pasha dhe drejtorët e tij që hanë nga 200 euro drekë e darkë në ditë (Dokument)
Autori: Doresa Geci 11:11 | 31 January 2019
Për darka e dreka, për telefon e shpenzime tjera të luksit nuk ka kush që i del para Haki Rugovës dhe zyrtarëve të tjerë të lartë të Komunës së Istogut.
Një raport i publikuar për shpenzime komunale gjatë vitit 2018 lë të kuptohet se komuna e drejtuar nga Haki Rugova nuk kursen para për shpenzime luksi.
Shifrat e publikuara tregojnë se Komuna e Istogut ka bërë shpenzime marramendëse në dreka, darka, telefona, derivate si dhe mëditje.
Vetëm për dreka zyrtare del se komuna e Istogut ka shpenzuar dhjetëra mijëra euro.
Në total për të ushqyer krerët e komunës janë shpenzuar 45 mijë euro brenda vitit 2018.
Pjesëtuar në ditë pune i bie se për çdo dit janë gëlltitur ushqime në vlerë prej 182 euro.
Në këtë komunë nuk kanë kursyer as për telefonata.
Kjo pasi sipas të dhënave zyrtare vitin e kaluar Komuna e Istogut ka shpenzuar mbi 26 mijë euro në telefon, shkrua gazeta inFokus.
Komuna e vogël e Istogut nuk ka kursyer para edhe për meditje.
45 mijë euro janë shpenzuar atje brenda vitit vetëm për këtë kategori.
Krejt këto shpenzime është munduar ti arsyetoj Hysni Maxharraj, Drejtor i Drejtorisë për Buxhet dhe Financa në Komunën e Istogut.
Ai i ka quajtur propagandë mediale nga opozita këto të dhëna.
Sipas tij arsyeja e këtyre shpenzimeve të mëdha është pasi që një pjesë e tyre kanë qenë edhe borxh të viteve paraprake.
“Komuna e Istogut gjatë vitit 2018 ka shpenzuar 45,508 euro për dreka zyrtare mirëpo 16,000 euro kanë qene borxhe të viteve paraprake”, ka thënë Maxharraj për gazetën inFokus.
Ndërsa për shpenzimet e mëdha të telefonit të cilat janë bërë ai thotë së këto përfshihen edhe shpenzimet për internet, shpenzimet e telefonisë, mobile, shpenzimet postare dhe shpenzimet e përdorimit të kabllit optik .
Sipas Maxharraj në shumën 26,867 euro për komunikimet me telefon, nuk përfshihen vetëm shpenzimet e komunës por edhe shpenzimet që kanë bërë punëtorët e arsimit dhe shëndetësisë.
Por në asnjë mënyrë këto nuk i arsyeton opozita në Istog.
Agron Avdiaj, asamblistë nga Vetëvendosje ka thënë për gazetën inFokus se këto shpenzime të cilat Komuna i ka bërë gjatë vitit të kalueshëm nuk janë të arsyeshme.
“Shihet shume qartë se për një komunë të vogël siç është komuna jonë këto shpenzimet e drekave zyrtare dhe shpenzimet e komunikimeve me telefon nuk kanë arsyeshmeri.” ka thënë ai për gazetën inFokus.
Sipas tij shpenzimi i buxhetit komunal duhet të fokusohet më shumë në funksion të rritjes së mirëqenies së qytetarëve e jo në shpenzime të lluksit./Gazeta inFokus/
Të tjera
-
Përmbaruesi bllokon llogaritë: 2700 punëtorë të Telekomit dhe Postës mbesin pa rroga – paralajmërojnë protestë
Sindikata e Postës dhe Telekomunikacionit ka paralajmëruar protestë për të ma...
-
Investimet për faqe te zezë të Alban Hysenit, asfalton trotuare për bandera
Një bander në mes të trotuarit të asfaltuar, janë pamjet më të reja të publik...
-
Sekuestrohen ar*më në Cermjan të Gjakovës
Më zbatim të urdhërkontrollit të lëshuar nga Gjykata, Stacioni Policor në Gja...
-
Gorçeviç: Mali i Zi do ta përkrahë anëtarësimin e Kosovës në KiE
Ministrja për Çështje Evropiane e Malit të Zi, Maida Gorçeviç, ka thënë se në...
-
Kuvendi me tri seanca plenare në javën e ardhshme
Tri seanca plenare do të mbahen në javën e ardhshme në Kuvendin e Kosovës. ...
-
IKShPK: Regjistrohen 8 raste të Kollës së mirë në Kosovë
Instituti Kombëtar i Shëndetësisë Publike të Kosovës (IKShPK) ka njoftuar se ...
-
Aksident trafiku në Kërçovë, 3 të vd*ekur dhe 4 të lënduar
Një aksident i rëndë trafiku ka ndodhur mëngjesin e sotëm, në ora 04:50, në m...
-
Kusari-Lila: S’jemi në situatë të jashtëzakonshme që duhet medoemos të shkojmë në zgjedhje
Shefja e grupit parlamentar të VV-së, Mimoza Kusari-Lila, e ka komentuar kërk...
-
Maqedonci informoi homologun italian për mbështetjen që Kosova po i ofron Ukrainës
Ministria e Mbrojtjes e Kosovës ka dhënë detaje në lidhje me takimin që ka zh...
-
Konjufca: Qeveria s’ka aryse të japë dorëheqje
Kryetari i Kuvendit, Glauk Konjufca, ka thënë se qeveria nuk ka arsye të japë...
-
Bislimi pret në takim përfaqësuesit e BB, kërkon mbështetje për Kosovën
Zëvendëskryeministri për Integrim Evropian, Zhvillim dhe Dialog, Besnik Bisli...
-
Votimi në 4 komunat veriore – Hapet regjistrimi për votuesit jashtë Kosovës
Komisioni Qendror i Zgjedhjeve ka njoftuar qytetarët me të drejtë vote jashtë...