Lajme

Hakerat iranian vazhdojnë të publikojnë të dhëna të qytetarëve shqiptar

Autori: Gazeta inFokus 11:16 | 12 December 2022

Hakerat iranianë kanë publikuar 214 certifikata elektronike ose dëshmi penaliteti të shtetasve shqiptarë. Publikimi i Homland Justice është bërë në një prej kanaleve të tyre në Telegram.

Dokumentet mendohet se janë prodhuar nga Shërbimi Informativ i Shtetit.

Disa ditë më parë, hakerat iranianë publikuan një listë me të dhënat e patentave të shtetasve shqiptarë. Në listë shfaqen ndër të tjera emrat, mbiemrat, vitet e lindjes, adresat si dhe targat e automjeteve të shqiptarëve, raporton Euronews Albania.

-Advertisement-

Më herët, hakerat iranianë publikuan të dhënat e Drejtorit të Përgjithshëm të Policisë së Shtetit, Muhamet Rrumbullaku.

Gjithashtu, faqja Homland Justice publikoi edhe të dhënat e nëndrejtorit të ri të SHISH, Oljan Kanushi.

Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti, që bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet. /Telegrafi

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme