Sport

Hajrulla Çeku: Me dinamikën e deritashme, stadiumi në Gjilan ndërtohet më 2041

Autori: Gazeta inFokus 17:03 | 04 October 2021

Ministri i Sporteve, Hajrulla Çeku, foli në Kuvendin e Kosovës për stadiumin e Gjilanit që ka mbetur tash e sa kohë i pa ndërtuar.

Tifozët e Dritës dhe Gjilanit kanë shprehur vazhdimisht pakënaqësinë e tyre me stadiumin aktual në Gjilan, por edhe me punimet e deritashme për stadiumin e ri.

Në derbin e fundit mes tyre, e që është derbi më i zjarrtë lokal në Kosovë, ata udhëtuan drejt Prishtinës.

-Advertisement-

Por, çka u tha sot në Kuvendin e Republikës së Kosovës?

Ministri i Kulturës, Rinisë dhe Sporteve, u zotua se do ta shtonte dinamikën e punëve ndërsa deklaroi që dinamika e deritashme e punimeve do të nënkupton se edhe të paktën 20 vjet gjilanasit do të mbeteshin pa stadium.

“Stadiumi i Gjilanit është një ndër problemet ma të mëdhaja në infrastrukturën sportive, çfarë e kemi gjetë në Ministrinë e Sportet. Me dinamikën e punimeve dhe realizimit të pagesave nga viti 2017 sa është nënshkru si kontratë, nëse vazhdon e njëjta dinamikë, na duhen të paktën edhe 20 vite për ta realizu atë projekt. Por, ne e kemi shtu buxhetin. Dhe do të bëjmë më të mirën që stadiumi i Gjilanit të përfundojë brenda këtij mandati.” – u shpreh z. Çeko

Subscribe në YouTube: GAZETA INFOKUSI

Të tjera

Fokusi

sport