Lajme

Guri përkujtimor për Pashke Markun është zhvendosur nga pronari i tokës

Autori: Gazeta inFokus 19:08 | 21 July 2023

Guri për Pashke Markun është hequr nga pronari i tokës ku ishte vendosur. Ky gur ishte i vendosur në një arë në Korenicë, në vendin ku kjo nënë shqiptare ishte vetëflijuar në vitin 2003, pasi iu gjetën trupat e pajetë të djemve të saj të vrarë gjatë luftës nga pushtuesi serb.

Zëdhënësi i policisë për rajonin e Gjakovës, Sheremet Elezaj ka konfirmuar se mbrëmë në orën 19:40 policia ka dalë në vendin e ngjarjes, pasi është pranuar informata se ky gur është zhvendosur.

“Aty është kuptuar se pronari i tokës kishte marr veprime që këtë gur ta largojë nga prona personale. Lidhur me rastin janë intervistuar disa persona (pronari i pronës ku ka qenë i vendosur guri dhe disa familjarë të së ndjerës Pashke Marku). Palët nuk kanë deklaruar të kenë konflikt lidhur me këtë çështje”, ka theksuar Elezaj për RTK-në.

-Advertisement-

Ai tutje ka bërë të ditur se lidhur me këtë ngjarje është njoftuar prokurori kujdestar, në konsultim më të cilin për momentin nuk është iniciuar rast.

Subscribe në YouTube: GAZETA INFOKUSI
Etiketa:
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme