Lifestyle

Gruaja zgjidhë misterin e shfaqjes së burrit 23 vite më vonë

Autori: Gazeta inFokus 14:04 | 16 May 2017

Linda dhe Richard Hoagland kanë qenë duke jetuar të lumtur në Indiana bashkë me djemtë e tyre, Mathew 9 vjeçar dhe Douglas 6 vjeçar.

Gjërat po shkonin gjithçka në rregull në dukje, ata kishin para, fëmijë, çdo gjë që donin.

Por dukej se Richard po fshihte diçka brenda vetes. Diçka që nuk mund ta zgjidhte me gruan dhe familjen e tij.

Ai filloi të qëndrojë qosheve të shtëpisë vetëm, ndërkaq asnjëri nga anëtarët e familjes nuk kishte idenë se çfarë po planifikonte, transmeton lajmi.net

-Advertisement-

Në shkurt të vitit 1993, Linda kishte shkuar në zyrë, sikur çdo të mërkurë. Rreth orës 4:45 pasdite, Richard e thirri gruan e tij në zyrë dhe i tha se duhej të shkonte në dhomën e emergjencës, sepse nuk po ndihej mirë.

Edhe pse ajo i tha se do ta linte punën dhe të shkonte me të nëse donte, tha se ai ishte në gjendje të mirë.

Ajo e kuptoi në atë formë se nuk ishte shumë e rrezikshme dhe pasi përfundoi punën e saj, mendoi të shkojë më vonë në spital, pasi t’i merr fëmijët.

Ajo mori Douglas dhe arritën në shtëpi rreth orës 5:25. E pa se Richard kishte lënë Matthew vetëm në shtëpi.

Pas një ore, telefoni cingëroi. Ishte Richard. “Unë nuk mund të jetoj kështu më… Mendoj se do të jeni më mirë pa mua” i tha gruas dhe e ndali telefonin.

Dy orë më vonë, e thirri nga aeroporti. “Nuk dua të shkoj në burg, nuk do të kthehem më kurrë” tha ai dhe njëmend nuk u kthye më.

Vetura e tij u gjet disa ditë më vonë, e braktisur, ndërkaq emri i tij nuk figuroi në asnjë listë të fluturimeve. Pas kësaj, ai thirri vetëm dy herë, një herë nga Venezuela dhe një herë nga Aruba.

Richard kishte shkuar në West Palm por me një emër tjetër, Terry Symansky, i cili në fakt kishte vdekur në vitin 1991.
Ai ishte martuar sërish dhe kishte një fëmijë, një jetë plotësisht të re.

Krejt rastësisht, nipi i Symansky gjeti se xhaxhai i tij ishte rimartuar dhe kishte marrë licencën e pilotit, disa vite pasi kishte vdekur.

Pasi ndodhi kjo, verën e kaluar, Linda kishte pranuar thirrje nga policët për t’i treguar se ishte arrestuar për përdorimin e identitetit të rremë.

Familjet ende nuk ishin njohur me njëra tjetrën, megjithatë ndjenja e arrestimit të Richard ishte e keqe, pavarësisht sa jo njerëzor ishte treguar ai.

Subscribe në YouTube: GAZETA INFOKUSI