Lajme

Gruaja e prokurorit Smith, producente e filmit të Michelle Obamas, dha 1000$ për fushatën e Bidenit

Autori: Gazeta inFokus 14:13 | 24 November 2022

Këshilltari special i caktuar për të mbikëqyrur hetimet penale ndaj ish-presidentit Donald Trump është i martuar me një producente të dokumentarit të Michelle Obamas dhe ka dhuruar 1000 dollarë për fushatën presidenciale të Joe Bidenit në vitin 2020.

Sipas “Daily Mail”, aftësia për paanshmëri e Prokurorit Special Jack Smith vihet në pikëpyetje pas zbulimeve të reja, transmeton Klankosova.tv.

Katy Chevigny është renditur në IMDb si producente për dokumentarin “Becoming” të vitit 2020 të Michelle Obamas – një detaj që konservatorët po e kapin tani që burri i saj do të jetë përgjegjës për hetimet ndaj Trumpit.

Për të ulur besueshmërinë e Smithit, ata po përdorin edhe zbulimet e “OpenSecrets” se Chevigny dhuroi 1000 dollarë për fushatën e Bidenit në vitin 2020.

Kjo është pika e parë në kovë që tenton të diskreditojë Smithin, për të cilin Prokurori i Përgjithshëm i SHBA-së Merrick Garland njoftoi të hënën se do të vihej në krye të mbikëqyrjes së akuzave penale kundër Trumpit për dërgimin e dokumenteve në Mar-a-Lago, si dhe për një pjesë të kryengritjes së 6 janarit, 2021.

Smith ka mbikëqyrur një sërë çështjesh të profilit të lartë gjatë karrierës së tij prej dekadash, duke përfshirë ndjekjen penale të një senatori në detyrë të SHBA-së, ndjekjen penale të krimeve të luftës në Hagë si dhe rastet kundër anëtarëve të bandave që vranë oficerët e policisë së NYC.

Emërimi i tij, megjithatë, po zvarritet nga republikanët për shkak të produksionit të gruas së tij në filmat majtistë dhe donacionet për fushatën presidenciale të Bidenit kundër Trumpit.

“Ju do të mendonit se nëse qëllimi i deklaruar për të shmangur çdo lloj shqetësimi për paragjykime do të ishte i sinqertë, atëherë ata të paktën do të duhej të kontrollonin nëse kur tundni pemën familjare të këshilltarit të posaçëm, a do të bie apo jo ndonjë urrejtës i madh i Trumpit, ndonjë anti-Trumpist, apo mbështetës të Bidenit”, tha përfaqësuesi i Floridës, Matt Gaetz, në një intervistë të martën.

Përkrahësi i flaktë i Trumpit kërkoi që Kongresi t’i jepte fund “shfrytëzimit politik kundër Presidentit Trump”.

Përveç “Becoming”, Chevigny punoi gjithashtu në filma të tjerë të së majtës ekstreme si “Dark Money”, i cili u fokusua në çështjen “Citizens United v. FEC Supreme Court”, dhe filma të tjerë socialë liberalë si “E-Team” dhe “Deadline”.

“Këto gjëra thjesht nuk mund të shpiken”, tha përfaqësuesi republikan i Gjeorgjisë, Andrew Clyde, në Twitter për zbulimet për gruan e Smithit.

“Katy Chevigny, gruaja e Jack Smithit-këshilltari special i emëruar nga Departamenti i Drejtësisë për të ndjekur Presidentin Trump, i dhuroi para fushatës së Joe Bidenit dhe prodhoi dokumentarin e Michelle Obamas. Amerika nuk mund të qëndrojë me një sistem drejtësie të korruptuar dhe me dy nivele”, shtoi Clyde.

Figura të njohura politike shpesh marrin reagime për veprimet e bashkëshortëve të tyre.

Një shembull i fundit është bashkëshortja e Clarence Thomasit, gjykatës në Gjykatën Supreme, Virginia ‘Ginni’ Thomas, që u vu në shënjestër nga komiteti i përzgjedhur i 6 janarit këtë vjeshtë për komunikim me mesazhe me zyrtarë rreth sfidimit të zgjedhjeve presidenciale të vitit 2020.

Kryetarja e Dhomës së Përfaqësuesve Nancy Pelosi tha se Thomas duhet të tërhiqet nga çdo rast i 6 janarit duke pasur parasysh veprimet e gruas së tij. /Klankosova.tv

Të tjera