Lajme

“Gratë shtatzëna, të moshuarit dhe fëmijët me probleme të mushkrive të qëndrojnë brenda”

Autori: Gazeta inFokus 14:01 | 21 November 2021

Matësit e cilësisë së ajrit, të vendosur nga Instituti Hidrometeorologjik tregojnë për cilësi të dobët të ajrit, në shumicën e qyteteve të vendit.

Sipas këtyre matësve, ajri ka cilësi të dobët në Prishtinë, Gjilan, Pejë, Prizren dhe Obiliq.

Ajri në Mitrovicë dhe Drenas po vlerësohet se është i cilësisë mesatare, ndërsa ajër me cilësi të pranueshme, sipas matësve të IHMK-së, ka në Han të Elezit dhe në Brezovicë.

-Advertisement-

Ky institut këshillon që personat të cilët përjetojnë ngacmim si dhimbje të syve, kollë ose dhimbe fyti, të zvogëlojnë daljet jashtë.

IHMK u bën thirrje grave shtatzëna që të qëndrojnë brenda.

“Të rriturit dhe fëmijët me probleme të mushkërive dhe të rriturit me probleme të zemrës, duhet të zvogëlojnë aktivitetin e rëndë fizik, veçanërisht jashtë, dhe veçanërisht nëse përjetojnë simptoma. Gratë shtatzëna duhet të qëndrojnë brenda. Njerëzit me astmë mund të zbulojnë se kanë nevojë të përdorin thithësin e tyre më shpesh. Njerëzit e moshuar gjithashtu duhet të zvogëlojnë sforcimet fizike”, apelon IHMK.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera

Fokusi

lajme