Gratë e LDK-së zgjedhin kryetaren e re, Abdixhiku: Duam të ecim barabartë
Autori: Gazeta inFokus 20:36 | 13 July 2022
Kuvendi zgjedhor i Forumit të Gruas së LDK-së ka zgjedhur për kryetare Jehona Lushaku Sadriu. Kjo e fundit pason Lirie Kajtazin. Forumi u mbajt pasditen e sotme në Prishtinë ndërsa morën pjesë përfaqësues më të lartë të partisë.
Në fillim të këtij kuvendi, kryetari i Lidhjes Demokratike të Kosovës, Lumir Abdixhiku, deklaroi se partia e tij ka jetuar ditët më të mira kur gratë kanë luajtur rolin e tyre meritor krah burrave. Duke iu drejtuar delegateve të Kuvendit të tetë zgjedhor të Forumit të Grave, kreu i kësaj partie falënderoi drejtueset e deritashme të këtij forumi për angazhimin në sukseset e fundit të LDK-së.
Abdixhiku u shpreh se Lidhja Demokratike do të ecë përpara vetëm kur burrat e gratë e partisë do të shpijnë së bashku përpara vizionin rugovist. Sipas tij, partia që drejton është e interesuar që në vendimmarrje të jenë të përfshira edhe gratë.
“Lidhja Demokratike e Kosovës në organizmin e saj themeltare ka qenë gjithmonë lëvizje progresive e përparimtare. Kjo shtëpi e demokracisë ka parë ditët e saj më të mirë vetëm atëherë kur ka ardhur barabartë me gratë brenda saj. Dhe kjo shtëpi e demokracisë do të ecë mirë e mbarë kur barabartë me gratë, me burrat, të rinjtë e të rejat do të shpijë përpara vizionin rugovist që ka si akt themeltar të saj. Këtë forcë progresive tonën duam ta zhvillojmë brenda LDK. Një LKD që organizimet e veta partiake nuk i ka të mbushura me dhoma burrash me pikëpamje nga ta, për ta e për gra, por me dhoma të mbushura mendjesh të mëdha të grave politike brenda LDK-së. Këtë vit, këtë shoqëri, në këtë pjesë të Evropës, një tubim, një mbledhje, një organizim pa gra është shpërfytyrim i LDK-së, është më së paku LDK”, deklaroi Abdixhiku.
Abdixhiku deklaroi se Lidhja Demokratike ka potencialin të jap kontributin e saj në sfidat e reja të Kosovës.
“Jam i sigurt se LDK ka potencial të jashtëzakonshëm brenda radhëve të veta siç ka dhe ide të qarta për rrugëtimin tonë përpara. LDK ka vullnet dhe ka kompetencë për t’i dhënë zgjidhje këtyre çështjeve të rëndësishme që Kosovës i kanë dalë në udhëkryqin e ri integrues euroatlantik. Kosovës i duhet një parti moderne, një parti përparimtare, një parti e guximshme, një parti që të gjitha resurset e veta i trajton barabartë”, vijoi Abdixhiku.
Kryetarja e derisotme e Forumit të Gruas së LDK-së, Lirie Kajtazi, në fjalën e saj numëroi kontributin e këtij organizimi partiak në ngritjen e çështjeve të barazisë gjinore ndërsa shprehu besimin se edhe udhëheqësia e re do të vazhdojë me te njëjtën rrugë.
“Do të vazhdojmë të trajtojmë çdo ligj, çdo politikë dhe veprim nga perspektiva gjinore siç kemi trajtuar deri tani duke qenë pjesë e hartimit të tyre të pjesëve më vitale. Pakoja e ligjeve të të drejtave të njeriut, puna jonë e drejtpërdrejt në strategjinë për të drejtat pronësore dhe shumë e shumë çështje të tjera të cilat qoftë në rolin e deputetit, qoftë si Forum i Gruas i kemi bërë së bashku. LDK dhe Kosova nga kjo do të kuptojë benefitet e diversitetit gjinor në politikbërie dhe jetën shoqërore në përgjithësi. Gratë çdo ditë e më shumë po marrin besimin e zgjedhësve, ju lutem ta përdorni drejt atë besim”, tha Kajtazi.
Kuvendi i tetë zgjedhor i Forumit të Gruas vijoi punimet pa praninë e mediave. Këtë kuvend zgjedhor e kanë përshëndetur edhe përfaqësues të partive si motra dhe organizatave të tjera politike evropiane.
Të tjera
-
Shteti amerikan padit Pfizer për pretendimet “mashtruese” të vaksinës Covid-19
Shteti amerikan i Kansasit ka nisur një veprim ligjor kundër Pfizer mbi “pret...
-
Kush është Kaja Kallas, gruaja që mund të zëvendësojë Borrellin?
Kritike e madhe e Rusisë, mbështetëse e vazhdueshme e Ukrainës, dhe përkrahës...
-
PAMJE DRAMATIKE/ Dallgët “përpijnë” 20-vjeçaren
Momenti tronditës kur një vajzë 20-vjeçare u përfshi nga dallgët e furishme m...
-
Moti në Shqipëri me diell, temperatura deri në 36 gradë
Në Shqipëri moti sot do të jetë me diell dhe vranësira të pakta. Era do të fr...
-
Akuza të rënda kundër rojeve bregdetare europiane, dyshohet se autoritetet greke morën refugjatë nga toka dhe i hodhën sërish në det
Autoritetet greke të kufirit thuhet, se kanë marrë refugjatë nga toka dhe i k...
-
Doris Pack do të dekorohet me çmimin “Qytetare Nderi” e Podujevës
Podujeve me shumë aktivitete sot shënon Dita e Çlirimit. Për nderë të kësaj d...
-
Gjermania po përshpejton procedurat e vizave për punëtorët e huaj
Ministria e Jashtme gjermane po përshpejton me shpejtësi procedurat e vizave ...
-
Hapet Forumi i Biznesit Kosovë – Portugali
Në Prishtinë do të hapet Forumi i parë i Biznesit Kosovë – Portugali. Në hapj...
-
KRU “Prishtina” sot nis aksionin e shkyçjeve në Veternik
Kompania Rajonale e Ujësjellësit “Prishtina” sot pritet të zhvillojë aksion n...
-
Moti me diell, temperatura deri në 34 gradë
Instituti Hidrometeorologjik i Kosovës ka bërë të ditur se për sot parashihet...
-
Lajçak pas Kosovës viziton Serbinë, pritet të takohet me Vuçiqin
Emisari i Bashkimit Evropian për dialogun, Miroslav Lajçak, pas qëndrimit në ...
-
E dhimbshme, ndahet nga jeta në moshë të re zyrtarja ligjore e Gjykatës në Deçan
Ka vdekur sot në moshë të re Rinora Qorraj, e cila ishte zyrtare ligjore në G...