Sport

Granit Xhaka në mesin e 10 lojtarëve më të aktivizuar në 2024-ën

Autori: Gazeta inFokus 13:50 | 18 December 2024

Observatori i Futbollit, CIES, ka përpiluar një listë me 20 lojtarët më të aktivizuar gjatë vitit 2024, ku Granit Xhaka renditet në mesin e 10 të parëve.

CIES ka analizuar lojtarët nga 66 liga të ndryshme në botë që kanë luajtur numrin më të madh të minutave zyrtare gjatë vitit 2024, duke përfshirë ndeshje në klube vetëm për të rritur, dhe në kombëtare (A, U23 ose U21), transmeton Klankosova.tv.

Në mesin e 10 lojtarëve më të aktivizuar, Xhaka është i katërti, pas mbrojtësit holandez Virgil van Dijk (33.4 vjeç) dhe argjentinasit Nicolas Otamendi (36.8 vjeç).

-Advertisement-

Xhaka, ka luajtur 5,447 minuta në 65 ndeshje, duke pasur vetëm dy minuta më pak se Otamendi.

Gjatë vitit 2024, Xhaka fitoi titullin në Bundesliga me Bayer Leverkusen, si dhe Kupën dhe Superkupën e Gjermanisë, por ekipi i tij u eliminua në finalen e Europa League-s nga Atalanta.

Në Euro 2024, ai dhe Zvicra arritën çerekfinalet, ndërsa në Nations League përfunduan të fundit në Grupin A4.

Xhaka gjithashtu ishte një nga kandidatët për Topin e Artë 2024, ku përfundoi në vendin e 16.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

sport