Sport

Granit Begolli largohet nga Prishtina

Autori: Gazeta inFokus 19:12 | 24 December 2020

Klubi i Prishtinës ka mbetur pa drejtor sportiv, shkruan Gazeta inFokus.

Kjo pasi Granit Begolli tashmë është larguar nga ‘bardhekaltërit’.

Begolli përmes një postimi në llogarinë e tij zyrtare në facebook ka bërë të ditur se i ka dhënë fund aventurës së tij me kryeqytetasit.

-Advertisement-

Më poshtë keni postimin e tij.

“Falemiderit FC Prishtina

Nga sot unë nuk do të jem pjesë e klubit, FC Prishtina. Ishte një vit shumë i mundimshëm në rrethana si kurrë më parë, por edhe pse me shumë sfida e shumë probleme – klubi vazhdoi rrugën drejt objektivave, ku sezonin e shkuar arritëm ta fitonim Kupën dhe të dalim në garat ndërkombëtare, këtë vit Prishtina, është në garë që të fitoj të dy trofetë, unë i dëshiroj shumë suksese klubit të qytetit tim, ishte kënaqësi për mua e privilegj ta ushtroj postin e Drejtorit Sportiv”, ka shkruar Begolli në facebook./Gazeta inFokus/