Granatimet ruse vrasin civilë ukrainas gjatë luftimeve në lindje të vendit
Autori: Gazeta inFokus 11:27 | 17 March 2023
Sulmet ruse ndaj vendbanimeve ukrainase lanë civilë të vrarë, teksa ushtria ukrainase tha se zmbrapsi me sukses një seri sulmesh të reja ruse në qytetin e Bahmutit dhe zonat përreth rajonit lindor të Donjeckut, gjatë 17 marsit.
Ndërkohë, në jug, administrata ushtarake e rajonit raportoi se qyteti i Khersonit iu nënshtrua sërish granatimeve të forta nga ushtria ruse.
Guvernatori i rajonit të Donjeckut, Pavlo Kirylenko, tha se dy persona u vranë dhe tetë të tjerë u plagosën gjatë 16 marsit.
“Më 16 mars, rusët vranë dy banorë të rajonit të Donjeckut: në Toretsk dhe në fshatin Krasnohorivka. Tetë persona të tjerë u plagosën në këtë rajon”, shkroi Kirylenko në Telegram.
Shtabi i Përgjithshëm i Forcave të Armatosura të Ukrainës raportoi se trupat ruse kryen më shumë se 70 sulme gjatë ditës së enjte në rajonin lindor të vendit.
Përveç Bakmutit, ushtria ukrainase tha se forcat ruse kryen sulme në Liman, Avdivka, Marinka dhe Shaktarsk, të gjitha vendbanime në rajonin e Donjeckut.
Sipas tyre, forcat ruse kryen pesë sulme me raketa dhe 18 sulme ajrore, dhe dhjetëra sulme nga sistemet raketore.
Qyteti jugor Kherson u bombardua 13 herë në 24 orë, tha guvernatori ushtarak i rajonit, Oleksandr Prokudin. Ai tha se i gjithë rajoni i Khersonit pësoi 76 sulme nga forcat ruse.
Forcat ukrainase çliruan qytetin Kherson në nëntor, duke i detyruar trupat ruse të tërhiqen në bregun e majtë. Që atëherë, trupat ruse kanë bombarduar vazhdimisht këtë qytet dhe pjesë të tjera të rajonit nën kontrollin ukrainas, duke shkaktuar vdekje dhe lëndime të shumta civile dhe dëmtime të vazhdueshme mbi infrastrukturën energjetike, duke lënë zona të mëdha pa energji elektrike gjatë muajve të dimrit.
Që nga fillimi i pushtimit të Ukrainës, Rusia ka mohuar vazhdimisht se ka shënjestruar civilët, pavarësisht provave të shumta që vërtetojnë të kundërtën.
Ministri i Jashtëm ukrainas Dmytro Kuleba u kërkoi aleatëve të Ukrainës të përshpejtojnë dërgesat e armëve, duke paralajmëruar se vonesat maten me jetë humbura të njerëzve në fushëbetejë.
“Nëse një dërgesë shtyhet për një ditë, do të thotë se dikush do të vdesë në front”, tha Kuleba në një intervistë për BBC-në Kiev./REL
Të tjera
-
Analiza e EUISS: Një sy vigjilent të mbahet në Veri, Perëndimi të angazhohet, ndryshe ka rrezik për eskalim
Instituti i Bashkimit Evropian për Studime të Sigurisë kanë publikuar një ana...
-
Gjenerali amerikan viziton Batalionin e Manovrimit në kampin e KFOR-it në “Novo Sellë”
Shefi i Stafit të misionit të KFOR-it, gjenerali amerikan Arthur J Graffer, k...
-
Reforma në Trafikun Urban, këto janë risitë që po synohen
Urban, po synohet që të unifikohet bileta e udhëtimit, blerja e autobusëve të...
-
52 aksidente brenda 24 orëve
Gjatë 24 orëve të fundit janë raportuar 16 aksidente trafiku me të lënduar, d...
-
Osmani takohet me dy zyrtaret amerikane në San Salvador, flasin për sigurinë e partneritetin mes dy vendeve
Presidentja Vjosa Osmani ka njoftuar se është takuar me nën-sekretaren e Shte...
-
Deputetët serbë paguhen pa shkuar në seanca, mbi 300 mijë euro nga dhjetori i vitit 2022
Mbi 300 mijë euro është vlera e pagave të dhjetë deputetëve serbë nga dhjetor...
-
Uniformat policore, Sveçla: Serbia është përgjegjëse për tentativën e destabilizimit dhe aneksimit të veriut
Ministri i Punëve të Brendshme, Xhelal Sveçla, ka reaguar pasi policia dje n...
-
Iu gjeten 3 mijë euro false, arrestohet një person në Fushë Kosovë
Policia e Kosovës ka njoftuar se janë gjetur 34 kartëmonedha nga 100 euro të ...
-
Dhuratat që i shkëmbyen Kurti dhe Erdogan gjatë takimit në kompleksin presidencial turk
Kryeministri I Kosovës Albin Kurti është takuar sot me Presidentin e Turq...
-
Aksion i policisë në Leposaviq, konfiskohen dhjetëra uniforma të policisë serbe
Policia e Kosovës gjatë të premtes pasdite ka përfunduar aksionin policor...
-
Në vitin 2030 pritet të përfundojë pastrimi i Kosovës nga mi*nat e luf*tës
Nga 4,520 zona të rrezikshme nga minat në të gjithë Kosovën, pas luftës, tash...
-
Kurti dhe shefi i diplomacisë turke bisedojnë për projekte të përbashkëta
Krahas takimit dhe drekës së punës me Presidentin e Turqisë, Erdogan, bashkë ...