Lajme

Grainca: LDK ka komunikim me VV

Autori: Gazeta inFokus 18:13 | 17 May 2017

Ish-deputeti i Lidhjes Demokratike të Kosovës, Blerim Grainca, tha se LDK ka komunikuar me Vetëvendosjen, por se Vetëvendosja është duke bërë konsultime të brendshme, dhe LDK pret vendimin e tyre që ta shqyrtojë këtë mundësi, njofton Klan Kosova.

“LDK është në fazën e hartimit të listave përfundimtare, ndërsa Vetëvendosja është në fazën e konsultimeve të brendshme”, tha Grainca për Info Magazine të Klan Kosovës.

“E vetmja mundësi është që deputetët e Vetëvendosjes t’i bashkohen listës së LDK-së, por kjo është çështje e Vetëvendosjes”.

-Advertisement-

“Ata janë në fazë të konsultimeve të brendshme. Pa pasur një gatishmëri të Vetëvendosjes, LDK nuk mund të thotë më shumë rreth kësaj”.

“Skenari i PDK-së ka ngjallur mobilizim të jashtëzakonshëm te LDK”.

“LDK është më e unfikuar dhe përgatitur se kurrë”.

Sa i përket përafrimit me Vetëvendosjen, Grainca tha se këto janë çështje janë të aprovimit të organeve të dy partive, dhe të hartimit të një programi të përbashkët.

“Nuk ka diçka të madhe në këtë drejtim, mbetet nga Vetëvendosja të vendosë, pastaj LDK do ta shqyrtojë këtë mundësi”.

Grainca tha se partia e LDK-së komunikon me të gjitha partitë, përfshirë edhe me Vetëvendosjen.

“Jemi të hapur për të komunikuar me VV”, tha ai.

“LDK i bën marrëveshjet në baza programore”.

Grainca u shpreh optimist edhe për aderimet në këtë parti duke bërë të ditur se kësaj partie i janë bashkuar njerëz të profesioneve të ndryshme, dhe se ka prurje të reja.

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme