Lajme

Graçanicë/ Një djalë dhe një vajzë i rrahën dy policë, i bënë për spital

Autori: Gazeta inFokus 10:04 | 04 Tetor 2021

Një djalë dhe një vajzë nuk kanë respektuar orën policore. Me t’u identifikuar nga policia e Kosovës, dyshja kanë sulmuar policët të cilëve u kanë shkaktuar lëndime trupore.

Në raport, Policia deklaron se me urdhër të prokurorit e dyshuara është liruar ndërsa i dyshuari është dërguar në mbajtje.

“Është raportuar se njësiti policor deri sa ishte në detyrë zyrtare, kanë hasur disa persona të cilët kishin qëndruar jashtë një lokali gjatë orës policore. Gjatë identifikimit të tyre, të dyshuarit një mashkull dhe një femër, dytë kosovarë kanë kundërshtuar urdhrat e zyrtarëve policorë si dhe i kanë sulmuar ata fizikisht”, thuhet në njoftimin e policisë.

-Advertisement-

Dy të dyshuarit janë arrestuar dhe pas intervistimit me urdhër të prokurorit e dyshuara, është liruar ndërsa i dyshuari është dërguar në mbajtje.

Ndërkaq, dy zyrtarë policor meshkuj kosovarë kanë pësuar lëndime të lehta dhe u është ofruar ndihma mjekësore, njëri prej tyre është dërguar në QKUK. Rasti është duke u hetuar./Gazeta Infokus/