Lajme

Grabitet marketi në Prishtinë, flasin Policia

Autori: Gazeta inFokus 19:08 | 03 March 2021

Një market është grabitur mbrëmjen e së mërkurës, në lagjen “Dardania”në Prishtinë.

Dy persona kanë vjedhur marketin në rrugën “Bill Clinton” në Prishtinë dhe më pas kanë ikur.

Rastin  për Gazetën inFokus e ka konfirmuar zëdhënësi i policisë për rajonin e Prishtinës, Agron Borovci.

“Rreth orës 18:00 është raportuar për një rast vjedhje të ndodhur në një market në rrugën “Bill Clinton” në Prishtinë .

Pas marrjes së informacionit policia ka dalë në vendngjarje dhe bazuar në të dhënat e para  janë ngritur dyshimet se  vjedhja është kryer nga dy të dyshuar të cilët më pas kanë ikur nga vendi i ngjarjes”, ka thënë ai.

Borovci ka njoftuar se ndaj të dyshuarve kanë nisur hetimet.

“Aktualisht policia ka iniciuar një hetim  lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, deklaroi ai./Gazeta inFokus/

Të tjera