Lajme

Grabitësja seriale, sërish në pranga 6 ditë pas lirimit nga burgu

Autori: Gazeta inFokus 18:24 | 10 June 2017

Pasi përfundoi dënimin e radhës për akuzën e vjedhjes, Rosalinda Konomi e shijoi lirinë vetëm 6 ditë, ditën e shtatë ajo u kthye sërish në qeli.

42-vjeçarja nga Lushnja, e cila ka jetuar një kohë të gjatë në Holandë, njihet si një hajdute seriale.

Ajo ndryshon shpesh vendbanimin, por jo skemën e vjedhjeve, që siç rezulton në vëmendje të saj, janë çantat dhe kuletat e femrave që hyjnë në dyqane për të blerë.

-Advertisement-

Edhe arrestimi i fundit i Rosalindës u krye nga komisariati numër 3, pasi në një dyqan veshjesh për fëmijë dyshohet të ketë vjedhur një çantë dore dhe 4.500 lekë.

Edhe pse fundjavë, gjatë masës së sigurisë gjyqtarja e gatshme aplikoi gjykimin e drejtpërdrejtë, duke çelur shqyrtimin gjyqësor ku u dëgjuan palët.

Prokurori, përveçse kërkoi arrest me burg, tha se ka prova shkresore dhe kamera sigurie që vërtetojnë implikimin e saj. Burime zyrtare thanë se Rosalinda është shfajësuar duke u justifikuar se çantën e kishte gjetur në rrugë.

Gjykata është tërhequr për të dëgjuar pretendimin përfundimtar të prokurorisë se sa burgim do të kërkojë. Hajdutja bionde u arrestua një vit më parë pasi rrëmbeu çantën e bashkëshortes të një zyrtari policie.

Më pas u vërtetua autorësia për të paktën edhe 6 vjedhje të tjera. Por më herët vajza, e cila nga një ish-e përndjekur pas viteve ‘90 emigroi në Holandë, është arrestuar edhe nga policia e Fierit për 5 vjedhje, shkruan Lapsi.

Subscribe në YouTube: GAZETA INFOKUSI
Etiketa:

Të tjera

Fokusi

lajme