Lajme

Goodbye Mr. President

Autori: Gazeta inFokus 18:12 | 12 June 2019

Ish-presidenti i Shteteve të Bashkuara të Amerikës, Bill Clinton, ka përfunduar vizitën e tij dy ditore në Kosovë. Ai zhvilloi vizitë zyrtare për shënim të 20-vjetorit të hyrjes së trupave të NATO-s. Tashmë është nisur drejt Amerikës, pak para nisjes, Clinton ka zhvilluar vizitë me kryeperlamentarin Kadri Veseli.

Gazeta inFokus ka siguruar një video ekskluzive të momentit të largimit nga Kosova të Presidentit Clinton.

Në njoftimin dërguar mediave, bëhet e ditur se Veseli e ka shoqëruar Clintonin deri në aeroport.

“Ka qenë Kryetari Veseli që e ka shoqëruar Presidentin Clinton në Aeroportin e Prishtinës në përfundim të vizitës së tij dyditore në Kosovë”, thuhet në njoftimin dërguar mediave.

Ish-presidenti amerikan, Clinton, u shpreh i lumtur që ishte pjesë e shënimit të përvjetorit të 20-të të ndërhyrjes së NATO-s në Kosovë, ndërsa shtoi se ndihet i kënaqur me progresin që vendi ynë ka shënuar gjatë këtyre dy dekadave.

Presidenti Clinton tha se Kosova ka bërë progres të ndjeshëm dhe duhet ta vazhdojë rrugën e zhvillimit.

Të tjera