Sport

“Golden Boy 2020”, lista më 20 kandidatët, fituesi më 14 dhjetor

Autori: Gazeta inFokus 14:37 | 15 October 2020

Procesi për dhënien e çmimit “Golden Boy 2020” është në fazën finale.

 

Më 14 dhjetor do të zbulohet se kush do të pasojë portugezin Joao Felix si fitues të këtij çmimi që jepet nga “Tuttosport” për lojtarin më të mirë të ri që luan në një kampionat elitar europian.

Janë katër kandidatë kryesore me epërsi të ndjeshme ndaj rivalëve të tjerë: Ansu Fati, tashmë lojtari i muajit shtator në La Liga, Alphonso Davies, kampion i Evropës dhe i gjithçkaje tjetër me Bayernin, plus dyshja e Borussia Dortmundit, Jadon Sancho-Erling Haaland, transmeton Gazeta Express.

 

Janë gjashtë lojtarë nga Premier League (është kampionati më i përfaqësuar) nga pesë skuadra të ndryshme: Saka i Arsenalit, Foden dhe Torres të “Citizens”, Fabio Silva i Wolverhamptonit, Greenwood i Manchester United dhe Hudson-Odoi i Chelsea-t. Barcelona, ​​Real Madridi, Manchester City dhe Borussia e Dortmundit janë të vetmet klube që mburren me dy nga kandidatë.

Vetëm një lojtar italian qëndron në listë: është Sandro Tonali, një mesfushor i cili sapo është transferuar nga Brescia te Milani. Ekziston edhe një tjetër lojtar i Serisë A, futbollisti i Juventusit, Dejan Kulusevski, i cili vitin e kaluar spikati me fanellën e Parmës, në sezonin e tij të parë si profesionist.

 

Nga 100 kandidatët fillestarë, lista është ngushtuar në 20. Fituesi do të përzgjidhet nga një juri me 40 gazetarë të kualifikuar nga e gjithë Europa. Çmimi do të jepet në 14 Dhjetor. Do të marrë një çmim edhe kandidati më i klikuar në internet.

 

Rregullorja parashikon që vetëm lojtarët e lindur nga viti 2000 e më pas dhe që luajnë në ligat më të mira europiane mund të konkurrojnë për këtë çmim.

 

Lista me 20 kandidatë

 

. Mitchel Bakker (PSG, 2000)

 

. Eduardo Camavinga (Rennes, 2002)

 

. Jonathan David (Lille, 2000)

 

. Alphonso Davies (Bayern, 2000)

 

. Sergino Dest (Barcellona, 2000)

 

. Fábio Silva (Wolverhampton, 2002)

 

. Ansu Fati (Barcellona, 2002)

 

. Phil Foden (Manchester City, 2000)

 

. Ryan Gravenberch (Ajax, 2002)

 

. Mason Greenwood (Manchester United, 2001)

 

. Erling Haaland (Borussia Dortmund, 2000)

 

. Callum Hudson-Odoi (Chelsea, 2000)

 

. Dejan Kulusevski (Juventus, 2000)

 

. Rodrygo Goes (Real Madrid, 2000)

 

. Bukayo Saka (Arsenal, 2001)

 

. Jason Sancho (Borussia Dortmund, 2000)

 

. Dominik Szoboszlai (Salzburg, 2000)

 

. Sandro Tonali (Brescia, 2000)

 

. Ferrán Torres (Manchester City, 2000)

 

. Vinícius Junior (Real Madrid, 2000)

Të tjera