Rozë

Gold AG publikon këngën për dëshmorin Adrian Krasniqi

Autori: Gazeta inFokus 19:41 | 24 April 2026

Artisti i njohur, Gold AG ka publikuar projektin e tij më të ri muzikor, ku si çdo herë kjo këngë është e mbushur me ndjenja dhe një përkushtim të vecantë, shkruan Gazeta Infokus.

Në bashkëpunim me Halit Gashi, ai ka publikuar një këngë që prek thellë shpirtin, kushtuar dëshmorit Adrian Krasniqi nga fshati Vranoc i Pejës.

Përmes vargjeve dhe melodisë, artistët sjellin kujtimin dhe sakrificën e tij si një thirrje për të mos harruar kurrë ata që dhanë gjithçka për lirinë.

-Advertisement-

Kënga vjen e shoqëruar me një videoklip mjaft domethënës, ku një pjesë e skenave janë realizuar në vendlindjen e tij, në Vranoc.

Pamjet e vendit, të ndërthurura me emocionin e këngës, e bëjnë këtë projekt edhe më të fuqishëm, duke sjellë një atmosferë prekëse dhe plotë mall./Gazeta Infokus/

Më poshtë gjeni këngën më të re të artistit: