Lajme

Goditja” në Pejë arreston shtatë persona

Autori: Gazeta inFokus 10:18 | 15 August 2023

Policia e Rajonit të Pejës, ka bërë të ditur se në kuadër të operacionit “Goditja” brenda katër ditëve ka arrestuar shtatë persona dhe janë sekuestruar katër armë.

Sipas njoftimit të policisë, operacionet po bëhen kryesisht në zona ku ka më shumë lokale, kafiteri, bare nate, të cilat frekuentohen më shumë nga qytetarët, me qëllim ruajtjen e rendit e qetësisë publike.

“Gjatё angazhimeve nё terren pёr periudhën kohore katër (4) ditore janё realizuar:

-Advertisement-

Janё realizuar 170 patrulla policore. Janё realizuar 144 pika tё kontrollit tё automjeteve. Janё kontrolluar 792 vetura. Janё legjitimuar 679 persona. Janё kontrolluar 19 lokale tё ndryshmeJanё realizuar 17 pika kontrolli me radar dhe alkool test. Janё arrestuar 7 persona. Janё sekuestruar 17 copё municion. Janё sekuestruar 4 armë.

Drejtoria Rajonale e Policisë në Pejë, fton të gjithë qytetarët që tё bashkëpunojnë me Policinë, me qëllim të krijimit të një ambienti sa më të sigurt për të gjithë qytetarët”.

Subscribe në YouTube: GAZETA INFOKUSI