Goditi me thikë një person në Zvicër, merret vendimi për kosovarin
Autori: Gazeta inFokus 09:16 | 14 April 2021
Kosovari godet me thikë shoferin e motoçikletës pas një mosmarrëveshjeje para semaforëve. Gjykata e dënoi për tentim vrasjeje, me 5 vjet e dy muaj burg
Gjithçka filloi si një mosmarrëveshje e zakonshme trafiku para semaforëve dhe përfundoi me goditje të rrezikshme me thikë.
Të hënën, E.T. 56 vjeçar nga Adliswil ZH është përgjigjur para gjykatës së Qarkut në Horgen të Cyrihut dhe është dënuar me pesë vjet dhe dy muaj burg, shkruajnë gazetat zvicerane, si NZZ, Tages Anzeiger, Blick etj.
70 pacientë me oksigjeno terapi në Spitalin e Pejës, 13 në gjendje të rëndë
Shtetasi zviceran me prejardhje kosovare akuzohej se pas një mosmarrëveshjeje me një shofer motoçiklete, ka nxjerrë thikën dhe ka therur kundërshtarin e tij. Në gjykatë ai bëri sikur ishte penduar. “Ishte gabim imi”.
Akti i dhunës nga pranvera e vitit 2020 kishte ndodhur kur bojaxhiu, për shkak të një thirrjeje telefonike, kishte dështuar të ngiste veturën pas ndezjes së dritës jeshile të semaforit. Kështu ai kishte bllokuar automjetet pas tij. Motoristi 46 vjeçar (viktima e ardhshme) thotë se e ka tejkaluar dhe i ka tundur kokën, transmeton albinfo.ch. Por, i pandehuri pretendon se “ai më tregoi gishtin e mesëm”.
Me thikë në vetëmbrojtje?
Sidoqoftë, pak më vonë, të dy janë takuar përsëri në një pompë benzine në Adliswil ZH. “Unë kisha frikë prej tij,” thotë kosovari i dënuar, duke shpjeguar arsyen përse kishte mbajtur thikën në dorë. “Unë i thashë që të mos afrohej më afër”. Pastaj ai, ka goditur me thikë për të zmbrapsur sulmin.
Por, videot e marra nga pompa e benzinës, që janë treguar në gjykatë, nuk mbështesin versionin e vetëmbrojtjes. Përkundrazi: aty mund të shihni se si bojaxhiu ndjek viktimën e tij në pompën e benzinës dhe pret duke mbajtur një thikë në dorë pranë motorit derisa motoristi të dalë nga dyqani, përcjell albinfo.ch. Kur viktima është brenda hapësirës vepruese të sulmuesit, i akuzuari godet me thikë pas disa pjesëve të sekondës, pa paralajmërim.
Pavarësisht veshjeve mbrojtëse si motoçiklist, viktima pëson një plagë me thikë, gjashtë centimetra të thellë, në krah.
“Mendova se edhe ai ishte shqiptar dhe me shqiptarët `shkon kështu` “
I pandehuri këmbëngul në rrëfimin e tij megjithë provat e videos. Pra, sipas tij, motoçiklisti kishte filluar sulmin. Më tutje, “për shkak të imazheve të kamerave “të paqarta”, kjo nuk mund të shihet në video. Një arsye tjetër e dhënë nga i pandehuri për nxjerrjen e thikës: “Mendova se edhe ai ishte shqiptar, prandaj në raste të tilla duhet të veprosh kështu”.
Prokuroria ka kërkuar për kosovarin 13 vjet burg për tentim vrasjeje. “Ju keni dy dënime të mëparshme, një për trafik rrugor dhe një për dhunë në familje. Ky është përshkallëzimi tipik i shpërthimit” ka thënë prokuror, përcjell albinfo.ch. Mbrojtja, nga ana e saj ka kërkuar një dënim të pjesshëm (pjesërisht me kusht dhe pjesërisht burg efektiv) prej 18 muajsh për sulm, transmeton albinfo.ch.
Por, vendimi i trupit gjykues ka ardhur pas një diskutimi të gjatë, në orën 21:00: I pandehuri është fajtor për tentim vrasjeje me dashje. Ai mori një dënim pesë vjet dhe dy muaj burg.
Të tjera
-
Fillojnë punimet për rindërtimin e fushës në stadiumin “Fadil Vokrri”
Kanë filluar punimet për rindërtimin e tërësishëm të fushës në stadiumin “Fad...
-
Arrestohet në Shqipëri 34 vjeçari nga Peja: Po kërkohet nga Gjermania ai anëtar i organizatës krimi*ale
34 vjeçari P.A nga Peja i cili ishte në kërkim nga autoritetet gjermane për p...
-
Stano deklarohet për raportimet se Lajçaku do të marrë post të ri
Gjatë ditës së sotme u raportua se nga muaji shtator, emisari aktual i BE-së ...
-
Përmbaruesi bllokon llogaritë: 2700 punëtorë të Telekomit dhe Postës mbesin pa rroga – paralajmërojnë protestë
Sindikata e Postës dhe Telekomunikacionit ka paralajmëruar protestë për të ma...
-
Investimet për faqe te zezë të Alban Hysenit, asfalton trotuare për bandera
Një bander në mes të trotuarit të asfaltuar, janë pamjet më të reja të publik...
-
Sekuestrohen ar*më në Cermjan të Gjakovës
Më zbatim të urdhërkontrollit të lëshuar nga Gjykata, Stacioni Policor në Gja...
-
Gorçeviç: Mali i Zi do ta përkrahë anëtarësimin e Kosovës në KiE
Ministrja për Çështje Evropiane e Malit të Zi, Maida Gorçeviç, ka thënë se në...
-
Kuvendi me tri seanca plenare në javën e ardhshme
Tri seanca plenare do të mbahen në javën e ardhshme në Kuvendin e Kosovës. ...
-
IKShPK: Regjistrohen 8 raste të Kollës së mirë në Kosovë
Instituti Kombëtar i Shëndetësisë Publike të Kosovës (IKShPK) ka njoftuar se ...
-
Aksident trafiku në Kërçovë, 3 të vd*ekur dhe 4 të lënduar
Një aksident i rëndë trafiku ka ndodhur mëngjesin e sotëm, në ora 04:50, në m...
-
Kusari-Lila: S’jemi në situatë të jashtëzakonshme që duhet medoemos të shkojmë në zgjedhje
Shefja e grupit parlamentar të VV-së, Mimoza Kusari-Lila, e ka komentuar kërk...
-
Maqedonci informoi homologun italian për mbështetjen që Kosova po i ofron Ukrainës
Ministria e Mbrojtjes e Kosovës ka dhënë detaje në lidhje me takimin që ka zh...