Lajme

Glauk Konjufca për vdekjen e Sassolit: Do të mbahet mend për politikë të balancuar e pragmatike

Autori: Gazeta inFokus 12:25 | 11 January 2022

Kryetari i Kuvendit, Glauk Konjufca, ka shprehur ngushëllim për vdekjen e kryetarit Parlamentit Evropian, David Sassoli, ku tha se vdekja e tij e ka tronditur, shkruan Gazeta Infokus.

Konjufca përmes një postimi në rrjetin social ‘Facebook’, ka thënë se Sassoli do të mbahet mend për politikë të balancuar e pragmatiste, për bashkëpunim dhe respektim të ndërsjellë ndërmjet popujve dhe vendeve.

“Duke çmuar kujtimin për z.Sassoli, për veprën e punën e tij për avancimin e demokracisë dhe për paqen e stabilitetin global, shpreh ngushëllimet e mia dhe të Kuvendit të Republikës së Kosovës familjes, miqeve dhe bashkëpunëtorëve të tij për këtë humbje të madhe”, ka shkruar Konjufca.

Sassoli ka vdekur sot në moshën 65-vjecare, pasi nga dhjetori i vitit të kaluar ishte duke u trajtuar në një spital në Itali për një sëmundje të rëndë. /Gazeta Infokus/

Të tjera