Gjyqtari i akuzuar për marrje ryshfeti thotë se 10 mijë eurot që iu gjetën në banesë ishin të motrës së gruas
Autori: Gazeta inFokus 07:44 | 03 February 2023
Gjyqtari i akuzuar për marrjen e 2 mijë eurove ryshfet, Sali Berisha ka thënë se dhjetë mijë euro, të gjetura në banesën e tij gjatë bastisjes nga Policia, ishin të motrës së gruas së tij. Ndërsa, revolja, tha se ishte e vëllait të tij.Gjatë dhënies së mbrojtjes, Berisha ka thënë të enjten se revolja ishte lënë në banesën nga vëllai i tij, Sami Berisha, pa lajmërim paraprak raporton “Betimi për Drejtësi”.
Gjyqtari i pezulluar nga puna akuzohet se kishte pranuar 2 mijë euro ryshfet për t’i shqiptuar dënim të favorshëm të akuzuarit për “Kontrabandimi me migrantë”, Muhamet Zekaj si dhe ngarkohet për posedim të revoles pa leje.“Mjetet kanë qenë të T.Th, motrës së bashkëshortes, për shkak se T.Th me bashkëshorten time si rezultat i rrethanave të jetës se tyre në të kaluarën kanë pas një raport me të veçantë”, deklaroi i akuzuari Berisha.
Berisha ka thënë se ka mundur shumë lehtë të marrë edhe leje për armë por nuk i është dukur e nevojshme pasi nuk ishte ndjerë i rrezikuar.Ai ka thënë se nuk kishte qenë prezentë në banesën e tij kur ishte bastisur nga Policia.
Berisha ka thënë se nuk ia kishte caktuar masën e paraburgimit Muhamet Zekajt pasi prokurorja Valbona Dishaj-Haxhosaj, kishte përmendur vetëm bazën ligjore të mundësisë së ikjes të Zekajt në atë kohë.Ai ka thënë se i akuzuari Zekaj kishte deponuar disa shkresa për gjendjen e tij shëndetësore dhe një dorëzani prej tre mijë eurosh që të mos i shqiptohej masa e paraburgimit.
I akuzuari Berisha ka thënë se kishte refuzuar më së shumti propozimet për caktimin e paraburgimeve në atë kohë në krahasim me gjyqtarët tjerë dhe se rasti i Muhamet Zekajt nuk përbën një rast unik. Ai ka thënë se shumicën e vendimeve për refuzimin e caktimit të masave të paraburgimit i ishin aprovuar nga gjykata e shkallë së dytë.Ai ka thënë se të akuzuarin Muhamet Zekaj nuk e kishte njohur deri në seancën ndaj tij sikurse tha se nuk e ka njohur as vëllain e tij, Florim Zekajn,. Berisha ka thënë se asnjëherë s’ka kërkuar të takohet me vëllain e të akuzuarit përmes avokatit tani të ndjerë, O.B.
Me përfundimin e orarit të punës, kryetari i trupit gjykues bëri ndërprerjen e kësaj seance duke e caktuar të radhës me 9 shkurt të këtij viti.Më 9 qershor 2021, Departamenti Special i Gjykatës Themelore në Prishtinë ka konfirmuar aktakuzën e ngritur nga Prokuroria Speciale e Republikës së Kosovës (PSRK) ia kishte konfirmuar aktakuza për korrupsion Sali Berishës.
16 gusht 2021, Gjykata e Apelit e kishte vërtetuar aktakuzën ndaj gjyqtarit Sali Berisha lidhur me akuzat për marrjen e 2 mijë eurove ryshfet dhe posedim pa leje të revoles me dhjetë fishekë.Më 6 maj 2022, kishte filluar rishtazi gjykimi ndaj Berishës për shkak të ndërrimit të një anëtari të trupit gjykues.
Sipas aktakuzës së ngritur më 5 shkurt 2020, thuhet se gjyqtari Sali Berisha, më 19 shtator 2019, ishte takuar me dëshmitarin Florim Zekaj prej të cilit kishte pranuar shumën prej 2 mijë euro, e të cilët ishin dakorduar që në një rast ku për dy vepra penale “Kontrabandimi me migrantë” ishte i akuzuar Muhamet Zekaj, vëllai i dëshmitarit Florim Zekaj , i pandehuri Berisha, si kryetar i trupit gjykues, të shqiptojë dënim të favorshëm, ku për këto vepra kishte shpallur dënim prej tre viteve, me kusht që brenda dy viteve të mos kryejë vepër tjetër penale.Përpos kësaj, gjykatësi Berisha, është duke u akuzuar se deri më 19 shtator 2019, ka mbajtur pa leje një revole të tipit “Zaza Mini”, të kalibrit 8 mm, së bashku edhe me 10 fishekë, e cila i ishte sekuestruar me rastin e bastisjes në banesën e tij në Pejë.
Ndryshe, Këshilli Gjyqësor i Kosovës (KGJK), në një mbledhje të jashtëzakonshme, më 20 shtator 2019, e kishte pezulluar gjykatësin Sali Berisha, pas arrestimit të tij, nën dyshimin për përfshirje në vepra penale të korrupsionit.
Të tjera
-
Vd*es profesori Binak Gërguri
Ka vdekur profesori Binak Gërguri, punonjësi shumëvjeçar i Institutit Pedagog...
-
NDODH DHE KJO/ Mjekët japonezë padisin Google Maps, ja arsyeja
Afër 60 mjekë në Japoni kanë ngritur padi, duke akuzuar Google Maps për injor...
-
Policia konfiskon dy armë zjarri në dy raste të ndryshme në Suharekë
Policia e Kosovës ka njoftuar për konfiskimin e dy armëve të zjarrit brenda 2...
-
Policia e Prishtinës vazhdon aktivitetet për largimin e personave që kërkojnë lëmoshë në rrugë
Policia e Prishtinës po i vazhdon aktivitetet për largimin e personave që kër...
-
Stano: Themelimi i Asociacionit çështje urgjente, moszbatimi i marrëveshjeve ka pasoja për të dyja palët
Sot janë bërë 11 vjet nga arritja e marrëveshjes së parë në mes të Kosovës dh...
-
Kurti ‘i dështojnë’ inspektimet, banorët protestojnë për zgjerimin e rrugës Kijevë-Dollc
Kryeministri i Kosovës, Albin Kurti ka inaguruar fillimin e punimeve për zgje...
-
Pamjet tmerrüese: Dënohet me 15 vite burg arsimtari që püthi nxënësen në Deçan
Me 15 vite burg e asnjëherë më kthim apo ligjërim në shkollë është dënuar, ar...
-
Propozim nga partia e Vuçiqit: Serbia t’i ndërpresë integrimet evropiane
Deputeti i Partisë Përparimtare Serbe (SNS) Vlladimir Gjukanoviq ka sugjeruar...
-
Kurti ironizon me ushtrimet e ushtrisë serbe: Paraqesin ndotje të ajrit e tokës
Kryeministri i vendit, Albin Kurti, është deklaruar në lidhjet me ushtrimet u...
-
Kurti përmendi marrëveshjen Thaçi-Daçiq, reagon Çitaku: E di që po të mungon, duro dhe pak
Pasi kryeministri i vendit, Albin Kurti përkujtoi 11 vjetorin e arritjes së m...
-
15 filma në konkurrim për çmimet Tiantan në Festivalin e Filmit të Pekinit 2024
15 filma nga e gjithë bota, po konkurrojnë për çmimet Tiantan në Festivalin e...
-
Kurti: I ftoj qytetarët t’ia ndërpresin mandatin kryetarëve në veri, nëse mendojnë se nuk kanë qeverisur mirë
Kryeministri i vendit, Albin Kurti, ka folur për procesin e referendumit të 2...