Gjykimi i shoferit që shkaktoi vdekjen e udhëtarit
Autori: Gazeta inFokus
11:18 | 07 April 2018
Në gjykimin e Xhemajl Zenelit për rrezikim të trafikut publik dëshmoi eksperti i komunikacionit Ahmet Maxhuni.
Zeneli po voziste një automjet në të cilin përveç udhëtarëve, sipas ekspertit Maxhuni kishte edhe dru, ndërsa mjetit i kishte dështuar sistemi i frenimit.
Pas pyetjes së prokurorit Sahit Tmava se a ishte e lejuar që në automjetin kombi të ketë ngarkesë në bagazh përveç pasagjerëve, eksperti Maxhuni shpjegoi se kjo nuk ishte e lejuar.
“Mjeti i cili ka qenë i përfshirë në këtë aksident në bazë të karakteristikave të tij nuk është e lejuar të bartë dru sikur në rastin që kemi, edhe në rast se kishte qenë furgon që është vetëm me ulëset e para nuk ka të drejtë të bartë sende që janë mbi peshën e vetë automjetit “, shpjegoi eksperti.
Pyetjes se a ishte e mundur që shkaktare e aksidentit të jetë ngarkesa e tepërt, eksperti iu përgjigj se automjetit i ishte prishur sistemi i frenimit.
Por eksperti deklaroi se ngarkesa e tepërt ka mundur të jetë shkaktare e aksidentit dhe mund të ketë ndikuar edhe në humbjen e drejtimit të lëvizjes.
Ekspertit Ahmet Maxhuni i shtroi pyetje edhe Avdi Dinaj, avokati i të akuzuarit Xhemajl Zeneli.
Ai duke u përgjigjur në pyetjet e avokatit Dinaj, tha se në automjetin kombi, të cilin në ditën kritike e ka drejtuar i akuzuari, lejohet bagazhi në përputhshmëri me ligjin, por sipas tij jo më shumë se pesha e lejuar.
Kurse mbrojtësit i të pandehurit, po ashtu deklaroi se kishte vërejtje në mendimin dhe konstatimin e ekspertit.
Dinaj gjithashtu propozoi që kjo çështje t’i dërgohet Fakultetit Teknik në Prishtinë për të bërë një superekspertizë lidhur me rastin.
Ky propozim u kundërshtua nga prokurori me arsyetimin se ekspertiza e cila gjendet në shkresat e lëndës dhe mendimi i ekspertit në shqyrtim, e po ashtu edhe provat e tjera që gjenden në shkresat e lëndës e vërtetonin kryerjen e veprës penale nga ana e të pandehurit.
Ndërsa gjyqtari Bekim Veliqi pasi vlerësoi propozimin dhe parashtrimin e kundërshtimit nga prokurori i shtetit, vendosi të aprovojë propozimin e avokatit Avdi Dinaj.
Veliqi vendosi që të caktohet një komision i ekspertëve të komunikacionit, respektivisht të kryhet superekspertizë lidhur me rastin.
Prokuroria Themelore në Mitrovicë e akuzon Xhemajl Zenelin se në prill të vitit 2014 nga pakujdesia ka rrezikuar trafikun publik dhe jetën e njerëzve duke drejtuar automjetin e udhëtareve Kombi nga fshati Bajgorë në drejtim të Mitrovicës, saktësisht në hyrje të Tunelit të Parë, si pasojë e prishjes se sistemit të frenimit të automjetit, raporton Kallxo.com.
Po ashtu në aktakuzë thuhet se automjeti kishte qenë i ngarkuar me tepër se masa maksimale e lejuar dhe me tepër se mundësitë teknike të komunikacionit të mjetit.
Pas prishjes së frenave automjeti kishte marrë një shpejtësi shumë të madhe me ç‘rast pasagjerët që kishin qenë ulur në ulëset mbrapa kishin hapur derën dhe kishin kërcyer nga automjeti.
Së pari kishte kërcyer i dëmtuari Hakif Halimi, pastaj i ndjeri Nezir Xhafa e me pas i dëmtuari Berat Shkupolli, ndërsa pasagjeret që ishin në ulëset e para së bashku me vozitësin tentonin ta ndalonin automjetin i cili me pas kishte dalë nga rruga në anën e majtë dhe ishte ngjitur bjeshkës deri në goditjen e një peme kur edhe ishte ndalur.
Si pasojë e këtij aksidenti lëndime trupore kishin pësuar Berat Shkupolli, Hakif Halimi, Mehmet Rexhepi, Shyqri Gjikolli, kurse Nezir Xhafes i ishin shkaktuar lëndime të rënda trupore në kokë, qafë dhe fytyrë si pasojë e të cilave kishte vdekur në QKUK.

T� tjera
-
Sillet në Gjykatë 26-vjeçarja e arrestuar për trafikim të narkotikëve, në rastin ku dyshohet edhe ish-ministri Astrit Haraqija
Një 26-vjeçare, e arrestuar nën dyshimin për trafikim të narkotikëve në grupi...
-
Kraki “godet” Kurtin: Paskemi blerë rrymë nga Serbia dhe prapë kemi mbetur pa rrymë, dy herë dështim
Deputeti i VV-së, Nezir Kraki ka reaguar pasi Qeveria e Kosovës ka marrë vend...
-
Daut Haradinaj: Përgjegjës për krizën energjetike është shefi, jo ministrja Rizvanolli
Daut Haradinaj, ka reaguar pas paralajmërimit të kryeministrit Albin Kurti pë...
-
“Qeveritë Kurti 1, 2 e 3 kanë qenë UDB-asha, këta të katërtit janë patriotë”- Sadiku ironizon pas vendimit për tregtimin e rrymës me Serbinë
Deputeti i Lidhjes Demokratike të Kosovës (LDK), Ermal Sadiku, ka reaguar me ...
-
Osmani: Ky pushtet i largoi miqtë, nesër mund të ketë goditje edhe më të rënda për Kosovën
Deputetja e Lidhjes Demokratike të Kosovës, Vjosa Osmani tha se Kosova po e p...
-
Astrit Haraqija sot del para Gjykatës, flet avokati i tij
Ish-ministri i Kosovës, Astrit Haraqija, është arrestuar ditën e djeshme në k...
-
Rryma në dimër, Rizvanolli: Po përpiqemi maksimalisht që kostot e furnizimit të mos rriten
Ministrja e Ekonomisë, Artane Rizvanolli ka folur për mundësinë e rritjes së ...
-
Çitaku: Keqardhja e komisioneres Kos nuk mjafton, kërkojmë sqarim, kërkimfalje dhe garanci për mospërsëritje
Ushtruesja e detyrës së kryetares së PDK-së, Vlora Çitaku, ka reaguar pas dek...
-
Ymeri-Qeverisë: E konfirmuat se kishte tregti të energjisë me Serbinë, por jeni shumë vonë ta nxirrni Kosovën nga kjo “fajde”
Deputetja e LDK-së, Janina Ymeri ka reaguar menjëherë pasi Qeveria Kurti 4 ka...
-
Bajrami për ndërprerjen e tregtimit të rrymës me Serbinë: Tash po shiten si patriotë
Deputetja e LDK-së, Hykmete Bajrami, ka reaguar pas vendimit të Qeverisë së K...
-
Kurti demanton propagandën 5 vjeçare të tij me vendim të ndalimit të importit nga Serbia
Pesë vjet deklarata se nuk importohet rrymë nga Serbia, Kurti tani vendos ta ...
-
Kurti për dekretimin e Ligjit për Byronë: Kapitull i ri për drejtësi dhe barazi
Kryeministri i Kosovës, Albin Kurti, në mbledhjen e sotme të Qeverisë ka folu...


































