Gjykimi për 55 kilogramët e marijuanës
Autori: Gazeta inFokus 11:28 | 16 June 2017
Propozimin për shtyrje të seancës e paraqiti në gjykatë Nasuf Hasani, avokati i Albert Cenajt.
“Konsideroj se nuk ka kushte për mu mbajtë kjo seancë, sepse nuk jemi të pajisur me shkresa të lëndës”, tha Hasani.
Këtij propozimi iu bashkua edhe prokurori Valdet Gashi, me arsyetimin se dispozitat ligjore e obligojnë Prokurorinë e Shtetit që të akuzuarve dhe mbrojtësve t’ua sigurojë aktakuzën dhe provat që e mbështesin atë.
Pastaj Asdren Hoxha, avokati i Abedin Bytyqit, kërkoi që të mbrojturit të tij t’i ndërpritet paraburgimi.
“Duke pasë parasysh se seanca shtyhet pa fajin e mbrojtësit tim, kërkoj që masa e paraburgimit të zëvendësohet, ose t’i ndërrohet me masën e arrestit shtëpiak apo dorëzani, sipas vlerësimit të gjykatës”, tha Hoxha.
Më tej Hoxha e arsyetoi kërkesën për lirim nga paraburgimi.
“Kemi të bëjmë me një njeri familjar, një njeri që e ka dëmtu veten. Unë ju premtoj publikisht që i njëjti do të paraqitet edhe në seancat e radhës”, shtoi Hoxha.
Por propozimin për lirim nga paraburgimi e kundërshtoi prokurori Valdet Gashi, me arsyetimin se ende ekzistojnë kushtet edhe arsyet për të cilat i është caktuar paraburgimi.
Por kur avokati Hoxha i kërkoi prokurorit të numërojë kushtet për të cilat i akuzuari Abedin Bytyqi duhet të qëndrojë në paraburgim, prokurori Gashi nuk iu përgjigj kësaj pyetje.
Trupi gjykues mori vendim që ta shtyjë seancën, pasi mbrojtja nuk i ka shkresat e lëndës, ndërsa refuzoi propozimin e avokatit Hoxha për lirim nga paraburgimi të Abedin Bytyqit.
Prokuroria Themelore e Prishtinës më 26 maj ka ngritur aktakuzë kundër Abedin Bytyqit dhe Enver Cenajt, të cilët janë kapur me mbi 55 kilogramë drogë.
Gjithsej 55.6 kilogramë drogë të llojit marijuanë u janë gjetur të akuzuarve në veturën e tipit “Audi A4” gjatë një kontrolli të policisë në fshatin Lluzhan të Podujevës më 31 tetor 2016.
Në aktakuzën, të cilën e ka siguruar KALLXO.com, thuhet se në momentin e ndaljes së veturës të cilën ishte duke e vozitur i akuzuari Bytyqi, mbrapa ulëseve janë gjetur dhe sekuestruar 3 valixhe dhe dy thasë najloni të mbushura me substancën e dyshuar si marijuanë.
Gjatë kësaj kohe, gjithnjë sipas aktakuzës, i akuzuari Cenaj kishte qenë duke e pritur të akuzuarin Bytyqi për ta shpërndarë substancën narkotike.
Po ashtu, gjatë ekzaminimit janë gjetur edhe gjurmët e të akuzuarit të tretë, Arlind Germizi, por i njëjti gjendet në arrati.
Bytyqi dhe Cenaj, së bashku me të akuzuarin Arlind Germizi, ngarkohen nga Prokuroria për veprën penale blerea, posedim, shpërndarje dhe shitje të paautorizuar të narkotikëve, substancave psikotrope dhe analoge.
Të tjera
-
Policia e Kosovës i shqiptoi mbi 2 mijë e 100 gjoba në trafik për 24 orë
Policia e Kosovës njofton se për 24 orë, ka shqiptuar 2140 gjoba në trafik. ...
-
A do të shkojnë në darkën e punës të thirrur nga Kurti, flasin nga PDK
Kryeministri i Kosovës, Albin Kurti, i ka ftuar në një darkë pune liderët e t...
-
Hoti thotë Kurti me VV-në e Guxo-n kanë cenuar demokracinë parlamentare
Deputeti i LDK-së, Avdullah Hoti, vlerëson se mazhoranca bashkë me qeverinë k...
-
Inspektorati policor do të hetojë konkursin e gradimit për rreshter në polici
Inspektorati Policor i Kosovës ka njoftuar se do të hetojë dhe do të inspekto...
-
Osmani takon Kongresmenin republikan: Një zë i fuqishëm i mbrojtjes së aleancës mes Kosovës e ShBA-ve
Presidentja Vjosa Osmani është takuar me Kongresmenin republikan Keith Self, ...
-
Ushtroi dhu*në ndaj gruas së tij, arrestohet një person në Dragash
Një person në Dragash është arrestuar të enjten pasi i njëjti kishte ushtruar...
-
Anëtarësimi në KiE, Rohde thirrje Kurtit për “vendim të guximshëm”: Një votim i dështuar do të ishte fatkeqësi
Ambasadori i Gjermanisë në Kosovë, Jorn Rohde, ka thënë se një votim i dështu...
-
“E shoqërojnë 150 persona”, mediat greke zbardhin detajet e vizitës së Ramës në Athinë
Ditën e nesërme, kryeministri Edi Rama do të zhvillojë takimin me bashkëkombë...
-
“Ishim të gatshëm ta japim jetën për Kosovën”, Osmani percjell mesazhin e ushtarëve amerikanë
Presidentja e Kosovës, Vjosa Osmani, është duke qëndruar për vizitë në Teksas...
-
Hynë ilegalisht në Kosovë, policia ndalon dy persona në Leposaviq
Në Koshuticë të Leposaviqit të premten dy persona kanë hyrë në mënyrë ilegale...
-
Ambasadori Rohde: Ka rezultate në dialogun Kosovë-Serbi, prandaj të dyja palët duhet të angazhohen
Ambasadori i Gjermanisë në Kosovë, Jorn Rohde ka thënë se janë arritur rezult...
-
Djali rra*h nënën në Prishtinë, arrestohet
Një person është arrestuar në Prishtinë, pasi i njëjti dyshohet se ka sulmuar...