Lajme

Gjykata Themelore në Pejë shpall fitues Buzhalën në procesin kundër Devollëve

Autori: Gazeta inFokus 12:42 | 03 January 2018

Gjykata e ka dënuar Korporatën “Devolli” me 15 mijë euro. Buzhala këto mjete thotë se i jep donacion për Klinikën e Pediatrisë në Prishtinë

Gjykata Themelore në Pejë ka shpallur fajtor “Devolli Corporation” në Pejë për shkak të fushatës ndaj gazetarit Berat Buzhala, në vitin 2015. Gjykata në Pejë ka aprovuar padinë duke e dënuar “Devolli Corporation” me 15 mijë euro kompensim. Për verdiktin e Gjykatës ka njoftuar vetë Buzhala, i cili ka njoftuar se të gjitha këto para do t’ia dhurojë Klinikës së Pediatrisë në Prishtinë.

Ky është postimi i plotë i Buzhalës:

-Advertisement-

Miq,

Pas nje procesi maratonik Gjykata Themelore ne Peje e ka aprovuar padine time ndaj Devolli Corporation, duke i shpallur ata fajtor per nje fushate fyese qe e paten organizuar kunder meje, duke vendosur pano reklamuese gjithandej neper Kosove.

Nuk eshte aprovuar ne teresi kerkesa ime per kompenzim ne vleren prej 200.000 euro. Gjykata ka vendosur qe kjo kompani te me kompenzoj ne vlere prej 15.000 euro. Sipas nje zotimi qe e kam bere me heret, shumen e mjeteve qe me jane ndare si kompenzim do ta jap si donacion per Spitalin e Pediatrise. Do te provoj qe kete shume ta rris per te blere nje aparat te Rentgenit per kete klinike.

Une jam jashtezakonisht i kenaqur qe Gjykata me dha te drejte ne kete rast. Sigurisht qe e falenderoj edhe avokatin Arianit Koci.

Perpjekja ime per drejtesi nuk ishte e motivuar financiarisht.

Ju falenderoj, tash per atehere, per mbeshtetjen qe ma patet dhene.