Lajme

Gjykata Supreme refuzon ankesat e VV-së, LDK-së e KDTP-së kundër PZAP-it

Autori: Gazeta inFokus 13:24 | 14 November 2019

Gjykata Supreme e Kosovës i ka refuzuar si të pabazuara ankesat në PZAP të Lëvizjes Vetëvendosje, Lidhjes Demokratike të Kosovës dhe Kosova Demokratik Turk Partisi (KDTP).

Në aktgjykim, Supremja thotë se ankesa e kandidatit të Vetëvendosjes për deputet, Gani Krasniqi, është refuzuar si e pabazuar, e paraqitur kundër vendimit të PZAP-it.

Ankesa e Faton Bislimit kandidatit për deputet nga LDK-ja, është refuzuar si e pabazuar.

-Advertisement-

Ankesa e tij kundër vendimit të KQZ-së, ku kërkoi rinumërim të votave me kusht dhe me postë, Supremja me vendim të PZAP-it e ka shpallur të pabazuar.

Me vendim të PZAP-it, është hedhur si e paasfatshme edhe ankesa e Muferra Srbica Sunik, kandidate për deputete nga KDTP-ja.

Gjykata Supreme, ndërkaq, ende nuk ka vendosur për ankesat për votat e ardhura nga Serbia, për të cilat është ankuar në këtë institucion Vetëvendosja.

Subscribe në YouTube: GAZETA INFOKUSI