Gjykata Speciale rikthen komunikimet e ish-krerëve të UÇK-së me familjarë
![](https://gazetainfokus.com/wp-content/uploads/2023/04/kreret-11-840x460.jpeg)
Autori: Gazeta inFokus
17:31 | 02 December 2023
Pas dy javësh nga kërkesa ‘urgjente’ e Prokurorisë së Specializuar dhe miratimi i përkohshëm i saj nga Trupi Gjykues për t’i ndaluar gjithë komunikimet mes ish krerëve të UÇK-së që po qëndrojnë në Qendrën e Paraburgimit në Sheveningen dhe familjarëve të tyre, gjendja ka ndryshuar.
Klan Kosova mëson nga burimet e saj, se pas rishqyrtimit të fakteve nga Regjistri dhe ankesave të ekipeve të mbrojtjes, gjykata pritet ta publikojë së shpejti vendimin me anë të së cilit lejon vizitat fizike të familjarëve në Qendrën e Paraburgimit, përveç komunikimeve me telefon dhe përmes Zoom siç kishte këmbëngulur ZPS.
Të premten e 17 nëntorit, Prokuroria e Specializuar dorëzoi kërkesë urgjente për të ndaluar çfarëdo komunikimi me jashtë, përveç kontaktit bazik me ekipet mbrojtëse (apo komunikimi i privilegjuar siç iu referohet në parashtresë) për shkak se prokuroria ka zbuluar nga përgjimet disa-mujore se të akuzuarit Hashim Thaçi, Kadri Veseli dhe Rexhep Selimi kishin zbuluar detaje nga dëshmitë e dhëna në seancë private me personat që i vizitonin ata në Qendrën e Paraburgimit, identitetin e dëshmitarëve të mbrojtur si dhe kishin dërguar mesazhe përmes personave të tretë dhe të katërt tek dëshmitarët të cilët pritej të dëshmonin që ta zbusnin dëshminë e tyre.
Për t’i vërtetuar këto pretendime, Prokuroria u dorëzoi gjykatës dhe ekipeve mbrojtëse edhe transkriptet e komunikimeve që ishin përgjuar.
Mirëpo gjatë këtyre ditëve, mbrojtja e cila pranoi edhe një USB nga Zyra e Prokurorisë, nxori korrespodencë të re komunikimesh me të cilat pretendojnë se ish krerët e UÇK-së, nuk dhanë udhëzime për të ndërhyrë por për të qëndruar sa më larg nga dëshmitarët e prokurorisë, ngaqë çdo bisedë me ta do t’u shkaktonte dëm në procesin gjyqësor.
Më poshtë është zbardhur një pjesë e komunikimeve tjera në Qendrën e Paraburgimit mes një personi (emri i tij mbetet i redaktuar) dhe Kadri Veselit.
– [E REDAKTUAR]: U takuam me [e redaktuar]; pimë kafe me të, [nuk kuptohet].
– Kadri Veseli: Shiko, është mirë që ne kemi [e redaktuar] edhe këtu. Ti je njeri i jashtëzakonshëm dhe nuk ke frikë, por dëgjom, mbaj sa më shumë distancë.
(flasin me njëri – tjetrin vazhdimisht)
– Kadri Veseli: “Mos u bëj merak. […] Qëndro larg prej kësaj sepse mund të na bësh dëm; mundesh me na bë ma shumë dëm se mirë. [e redaktuar], ata nuk mund të na bëjnë dëm, ne nuk kemi probleme. Prej 300 njerëzve që kanë mbet, asnjëri s’mund të na bëjë dëm. Mund të gënjejnë, Zoti merret me ta, munden me gënjy si të duan, por mos u brengos, se pastaj mund ta përdorin këtë të na vënë në pozitë të keqe” – thuhet ndër të tjera në komunikimin e Veselit me vizitorin e tij.
![](https://gazetainfokus.com/wp-content/uploads/2024/02/prince-plodine1.jpg)
Të tjera
-
Shefi i Telegramit pretendon se para arrestimit kishte “komunikim zyrtar” me kundërzbulimin francez
Themeluesi i Telegramit, Pavel Durov tha gjatë marrjes në pyetje në Paris se ...
-
Mali i Zi, partitë pro-serbe në qeveri kërkojnë ndryshimin e Kushtetutës
Partitë pro-serbe dhe pro-ruse kanë shtuar kërkesat për ndryshimin dhe plotës...
-
Arrestimi dhe ekstradimi i Sead Halilajt, Policia jep detaje
Me datë 04.06.2013 në rrugën “Qazim Berisha” në Prizren ndodhi një vrasje e r...
-
Pritje gati një orëshe për të dal nga Kosova
Pritjet po vijojnë deri në 40 minuta për të dalë nga Dheu i Bardhë. Kështu...
-
Çfarë do të ndryshojë në Zvicër në shtator?
Në shtator do të ketë gjithashtu oferta të shumta dhe ligje të reja. Gjithçka...
-
Haki Abazi thotë se Kurti po “progreson” ndarjen e Kosovës: Përplasja me NATO-n agjendë e Serbisë dhe e Rusisë
Deputeti Haki Abazi ka komentuar veprimet e fundit të Qeverisë së Kosovës në ...
-
Vdẹs në Prizren një ushtar i Ukrainës, policia nis hetimet
Një ushtar ukrainas është dërguar sot pa shenja jete në emergjencën e Prizren...
-
Jakup Krasniqi bëhet gjysh i një mbese
Ish zëdhënësi i Ushtrisë Clirimtare të Kosovës, Jakup Krasniqi, është bërë pë...
-
Deputeti Ardian Kastrati: Qytetarëve iu rrit paga për 6 euro e 80 cent, Kurti veç Gani Jakupit i ka dhënë 7 mijë e 500 euro në muaj
Deputeti i PDK-së, Ardian Kastrati e ka akuzuar kryeministrin Albin Kurti për...
-
Ballkani Perëndimor: Njohja e diplomave ende sfidë
Universiteti i Beogradit është shpesh zgjedhje e preferuar për studentët nga ...
-
KFOR-i tregon arsyen e vendosjes së trupave shtesë mbi urën e Ibrit
Nga sot, mjetet shtesë që i përkasin Njësisë së Specializuar Shumëkombëshe të...
-
NATO reagon për operacionin e djeshëm në Veri: Jemi të zhgënjyer
NATO ka reaguar për veprimet e djeshme të Qeverisë së Kosovës në veri të vend...