Lajme

Gjykata Speciale nesër nis punën?

Autori: Gazeta inFokus 19:40 | 04 July 2017

Gjykata Speciale për krime të pretenduara të luftës në Kosovë, që nga dita e nesërme pritet të nis punën e saj, pas miratimit të rregullores së Procedurës dhe të Provave, e cila u bë javën e kaluar.

Gjykata Speciale në një përgjigje për Indeksonline, ka thënë se tani janë duke pritur që të arrijnë aktakuzat e para nga Prokuroria Speciale.

“Me hyrjen në fuqi të Rregullores javën e kaluar, nga dita e sotme nuk do të ketë kurrfarë pengese ligjore për marrjen e çfarëdo parashtrimi ose aktakuze nga Zyra e Prokurorit të Specializuar”, thuhet në përgjigjen e kësaj gjykate.

-Advertisement-

Miratimi i rregullores së Procedurës dhe të Provave është edhe hapi i fundit ligjor që Gjykata të bëhet plotësisht funksionale dhe të nisë punën e saj.

Gjykata Speciale e cila u formua me votat e deputetëve të Kuvendi të Kosovës, do të gjykoj vetëm krimet e pretenduara nga Ushtria Çlirimtare e Kosovës.

Subscribe në YouTube: GAZETA INFOKUSI